دیل سئچین

«اینانیلماز حقیقت»

اویان نیوز: خالق شاعیری بختیار واهاب‌زاده‌نین دئدیک‌لری: بیر دفعه تورکیه‌ده سفرده ایدیم. آذربایجانا گئری دؤنمه‌دن اؤنجه آنکارادا محمد امین رسول‌زاده‌نین مزارینی زیارت ائتدیم. مزارین یانیندا چوخ دایاندیغی اوچون قبیرستانلیغین قاروووُلچوسو اولان یاشلی بیر کیشی ژورنالیسته یاخینلاشا‌راق بو اینسانین کیم اولدوغو ایله ماراقلاندی. من ده اونا م.ا.رسول‌زاده حاقیندا اطرافلی معلومات وئردیم. بو واخت قوجا بؤیوک حیرتله آشاغیداکی باشینا گلمیش بیر حادثه نی دانیشدی: “ من ایللردیر بورادا قارووولچو ایشله ییرم. بیر دفعه گئجه بورادا قبیرلرین آراسی ایله گزرکن قولاغیما بیر سس گلدی. دوغروسو من اولجه ظن ائتدیم کی، قولاغیما اولا بیلسین کی، سس گلیر. اما سونرا آنلادیم کی، حقیقتا قولاغیما اینیلتی سسی گلیر. تام اولا‌راق هانسی قبیردن گلدیگینی بیلمه دیم و قبیرلره یاخینلاشدیم. سونرا همین سسین محض بو قبیردن گلدیگینی دقیق بیلدیم. هله حیاتیمدا بئله بیر حادثه‌نین شاهیدی اولمامیشدیم. چوخ قورخدوم و درحال قبیردن آرا‌لانا‌راق ائله قبیرستانلیقداجا ناماز قیلیب، اللها دعا ائتمه‌یه باشلادیم.
قوجا بو حادثه نی هئچ کیمه دانیشمیر و همین قبری و حادثه‌نین نه واخت باش وئردیگینی یادیندا ساخلاییر. یالنیز ایندی بو حادثه نی منه دانیشاندان سونرا آیدین اولور کی، قوجانین راستلاشدیغی بو واهیمه دولو اینیلتی سسی ۱۹۹۰-جی ایلین یانوارین ۱۹-دان ۲۰-نه کئچن گئجه ائشیدیلیب.

کؤچورن : فرهاد جعفر اوغلو
قایناق دائیم آز

یوروم یازین

Back to Top