اویان نیوز: باباجان، ۲۰۲۳.جو ایله قدر ایستانبولو دونیانین ان اؤنم‌لی ۱۰ مالی مرکزلرین‌دن بیری ائتمه‌یی آماجلادیق‌لارینی سؤیله‌دی
باشباخان یاردیمچیسی علی باباجان، فینانس چئوره‌لریله گؤروشمک اوزره آمریکا‌نین نیویورک شهرینده.
باباجان، ۲۰۲۳.جو ایله قدر ایستانبولو دونیانین ان اؤنم‌لی ۱۰ مالی مرکزلرین‌دن بیری ائتمه‌یی آماجلادیق‌لارینی سؤیله‌دی. باباجان، تشکیل ائتدیگی مطبوعات کنفرانسیندا، تورک اکونومیسی‌نین سون ایللرده گؤستردیگی پرفورمانسدا سیاسی ثابیتلیگین اؤنمینه وورغو ائتدی. باباجان، یاتیریمچیلارین تورکیه‌دکی اصلاحات پروسسینی ماراق ائتدیک‌لرینی ایفاده ائده‌رک، حکومت اولا‌راق اؤزللیکله یارقی و ائگیتیم اصلاحاتینا بؤیوک اؤنم وئره‌جک‌لرینی قید ائتدی. باباجان، “یاتیریم اورتامی‌نین یاخشیلاشدیریلماسی بؤیوک اؤنم کسب ائدیر. تورکیه‌نین یاتیریملار باخیمین‌دان گوونلی بیر اؤلکه اولماسی یاتیریمچیلارین آسان بیر ایش ائده‌بیله‌جیی، قوراللاری باش‌دان بیلدیک‌لری اما اویون اورتاسیندا قوراللارین دییشمدیگی بیر اؤلکه اولماسی چوخ اؤنم‌لی. اؤنوموزدکی دؤنمده دوزنلمه و دنتله‌مه‌یه اؤنم وئرجییک” دئدی.
باباجان، جغرافی اولا‌راق فرانکفورت ایله سینگاپور آراسیندا اؤنم‌لی بیر مالی مرکزی اولمادیغینی خاطیرلاتدی. باباجان، “بوردان باشلاسانیز نی یورک‌دور سونرا لندن. آرخاسین‌دان فرانکفورت‌دور. فرانکفورتدان سونرا ایستانبول اولما‌لی‌دیر. ۲۰۲۳ اوچون تورکیه‌نین هدفی ایستانبولون دونیانین اؤنم‌لی مالی مرکزلرین‌دن بیری اولماسی. بو پتانسیلی وار ایستانبولون. یئتر کی بیز دوغرو سیاستی ایزله‌یه‌لیم. دوغرولاری ائده‌لیم ” دئدی.
کرئدی درجه‌لندیرمه قورولوش‌لارینی دا تنقید ائدن باباجان بو تشکیلات‌لارین تورکیه‌نی گئری‌دن تعقیب ائتدیک‌لرینی، یاتیریمچیلارین کرئدی پوئنی مؤوضوسوندا تورکیه ایله بیر پروبلئم یاشامادیق‌لارینی ایفاده ائتدی.
قایناق : ت ر ت
