دیل سئچین

باشباخانلیقدان عذر آچیقلاماسی

اویان نیوز: آچیقلامادا، ایسراییل باشباخانی نتانیاهونون اؤلکه‌سی آدینا عذر ایسته‌دیگی و باشباخان اردوغانین دا بو عذرو تورکیه آدینا قبول ائتدیگی بیلدیریلدی

ایسراییل‌دن گلن عذر ایله ایلگیلی تورکیه طرفین‌دن یازی‌لی آچیقلاما وئریلدی.

تورک و یهودی خالق‌لاری‌نین اورتاق تاریخه سؤیکنن و عصرلردیر داوام ائدن دوستلوق باغ‌لارینا وورغو ائدیلن باشباخانلیغین آچیقلاماسیندا، بؤلگه‌نین باریش و ثابت‌لیگی اوچون حیاتی ایستراتژیک اؤنمه صاحب اولا‌راق ایلیشکیلرین سون دؤورده پوزولموش اولماسی‌نین اوزونتو وئریجی اولدوغو ایفاده ائدیلدی.

آچیقلامادا، “تورکیه‌نین، ایسراییل-فلسطین اختیلافینا ایکی دؤولت‌لی ویزیون اساسیندا عدالت‌لی، قالیجی و قابسام‌لی بیر چؤزوم تاپیلماسینا اولوسلارآراسی و بؤلگه‌سل بوتون سعی‌لره دستیینی تکرارلامیش‌دیر” دئییلدی.

آچیقلامادا، ایسراییل باشباخانی نتانیاهونون اؤلکه‌سی آدینا عذر ایسته‌دیگی و باشباخان اردوغانین دا بو عذرو تورکیه آدینا قبول ائتدیگی بیلدیریلدی. باشباخانلیغین آچیقلاماسیندا، “ایسراییلین، سیویل خالقین قوللاناجاغی مال‌لارین غزه داخیل فلسطین تورپاق‌لارینا گیریشینه باغلی محدودیت‌لری اساس اعتباریله قالدیردیغینی و سوکونت داوام ائتدیگی مدتجه بو وضعیتین ده داوام ائدجیینی ایفاده ائتمیش‌دیر” دئییلدی و ایکی باشباخانین فلسطین تورپاق‌لارین‌داکی انسانی وضعیتین یاخشیلاشدیریلماسی اوچون بیرلیکده ایش مؤوضوسوندا آنلاشدیق‌لاری دا یئر آلدی.

ت رت

یوروم یازین

Back to Top