دیل سئچین

باشباخان اردوغان آذربایجاندا ایلین سیاستچی‌سی سئچیلدی

اویان نیوز: ”تورک دونیاسیندا کیمی ایلین سیاستچی‌سی گؤرمک ایسته‌ییرسینیز” سوالینا قاتیلیمچی‌لارین بؤیوک اکثریتی “رجب طیب اردوغان” جاوابینی وئردی

باشباخان رجب طیب اردوغان، آذربایجاندا دوزنلن بیر آنکئتده ایلین سیاستچی‌سی سئچیلدی.

آذربایجاندا “تورکوستان قزئتی” و “اورتاق دگرلر” سیویل توپلوم هؤرگوتلری، “تورک دونیاسینا خیدمت ۲۰۱۲” آدینی داشییان بیر آنکئت یاپدی. آذربایجانین یانیندا تورکیه و ۲۰-دن چوخ تورک اؤلکه‌لریندن سیویل توپلوم هؤرگوتلرینین ده دستک وئردیگی آنکئت، نوامبر ۲۰۱۲ – ۱۷ فوریه ۲۰۱۳ تاریخ‌لری آراسیندا یاپیلدی. ۳۷ مین ۵۲۵ نفرین قاتیلدیغی آنکئتین نتیجه‌لری مطبوعات کنفرانسی ایله دویورولدو. ایلین ان یاخشی‌لارینی سئچمک اوچون تشکیل ائدیلن آنکئتده، سیاست، تحصیل و مدنیت کاته‌گوری‌لرینده قاتیلیمچی‌لارا سوال‌لار یؤنلدیلدی.

“تورک دونیاسیندا کیمی ایلین سیاستچی‌سی گؤرمک ایسته‌یرسینیز” سوالینا ایشتیراکچی‌لارین بؤیوک اکثریتی “رجب طیب اردوغان” جاوابینی وئردی. اردوغانی، قیرقیزیستان اسکی پرزیدنتی روزا اوتونبایئوا ایزله‌دی. “تورک مدنیتینه ان چوخ دستک وئرن شخصیت و یا تشکیلات هانسی‌دیر” سوالینا ان چوخ اوی، آذربایجانین “فیرست لیدی”‌سی مهریبان علی‌یئوایا وئریلرکن، علی‌یئوانی، تورکسوی تعقیب ائتدی. “تورک گنج‌لیگی‌نین تحصیلی مؤوضوسوندا ان چوخ خیدمتی اولان شخصیت و تشکیلات” کاته‌گوریسینده ایسه تورک دونیاسی آراشدیرما‌لار وقفی باشقانی مرحوم پروفسور دکتر توران یازگان بیرینجی اولارکن، یازگانی، تورک گیریشیمچیلر طرفین‌دن قورولان، آذربایجان “چاغ اؤیرتیم ایشلتمه‌لری” ایزله‌دی. آنکئته دستک وئرن سیویل توپلوم هؤرگوتلری طرفین‌دن گله‌جکده بو طرز ایشلرین گئنیشلندیریلمه‌سی و “تورک دونیاسی خیدمت” فوندو یارادیلماسی یؤنونده قرار آلیندیغی ایفاده ائدیلدی.

ت  ر ت

یوروم یازین

Back to Top