دیل سئچین

باشباخان اردوغان گوندمی دگرلندیردی

اویان نیوز : اردوغان: قونشو اؤلکه‌لرین خالق‌لاری ایله بیر پروبلئم یاشامیریق، او اؤلکه‌لرین رژیملریله سیخینتی یاشاییریق

 باشباخان رجب طیب اردوغان، ت.ر.ت‌ده قاتیلدیغی پروقرامدا گوندمه باغلی دگرلندیرمه‌لرده بولوندو.

۲۰۱۲.جی ایلده ده تورکیه‌نی گوج‌لو دؤولت‌لر آراسینا سوخمانین چاباسی ایچینده اولدوق‌لارینی ایفاده ائدن باشباخان اردوغان، قونشو اؤلکه‌لرله اولان ایلیشکی‌لره دقت چئکدی.

سوریه بحرانی قونوسوندا دگرلندیرمه‌لرده بولونان باشباخان اردوغان، “قونشو اؤلکه‌لرین خالق‌لاری ایله بیر پروبلئم یاشامیریق، او اؤلکه‌لرین رژیملریله سیخینتی یاشاییریق. بیز سوریه‌دن تورکیه گئچن‌لره قاپیمیزی قاپاتامارییق، سوریه خالقی ایله تاریخی باغ‌لاریمیز وار” دئدی.

سوریه رژیمی‌نین آرتیق اوچاق‌لارینی قوللاناجاق پیلوت تاپا‌بیلمه‌دیگینی وورغولایان باشباخان، “روسیا پرزیدنتی پوتین بیز سوریه‌نین وکیلی دئییلیک” دئدی. بو بیر مئساژدیر. بو ایشین هارا چاتاجاغی اورتایا چیخمیش دورومدا. بو آرادا ۵۰ مینه یاخین اینسان اؤلدو. بو دؤزوله‌بیلیر بیر شئی دئییل‌” دئدی.

عرب باهاری سوره‌جی ایله بیرلیکده سوریه رژیمینه چئشیدلی وسیله‌لرله توصیه‌لر ائتدیک‌لرینی، بو قونودا اؤنم‌لی تماس‌لار گرچکلشدیردیگینی قید ائدن باشباخان، “آنجاق رئژیم بوتون بو گیریشیملریمیزه قارشی اؤز خالقینی بومبالادی” دئدی.

تورکیه‌یه گلن سوریه‌لی‌لرین ساییسی‌نین ۱۴۰ مینی آشدیغینی دا وورغولایان اردوغان، “آچیق قاپی سیاستی ایله گلن‌لره قاپینی قاپاتمییریق. یئنی کمپلر قوروروق. بو قونودا سیویل توپلوم قورولوشلارییلا، یایین اورقانلارییلا یئنی بیر کؤمک کامپانیاسی باشلاتدیق” شکلینده دانیشدی.

ت ر ت تورکی

یوروم یازین

Back to Top