بایرام مئساجلاری

اویان نیوز :

یا محول احسن الحال ائت بیزی/ درد و غمدن فارغ البال ائت بیزی
قوی گول آچسین اؤلکه‌ده آزادیمیز/ بختی آغ اولسون وطن اولادیمیز
***
جان- جیگریز ساغ اولسون/ عمروز- گونوز آغ اولسون
بو وطنین هر یئری/ بایرام اولسون، باغ اولسون
آزادلیغین بایراغی/ داغ‌لار اوسته داغ اولسون
آبادلیغین چیچَگی/ تایا وورسون تاغ اولسون
هر کی خلقی شاد ایستیر/ شاد یاشاسین، ساغ اولسون
***
بابکین نازلی ائلیندن/ آرازین آینا سئلیندن/ زنگانین تورکو دیلیندن
سیزه بایرام پایی اولسون/ هر آییز عشق آیی اولسون
***
قیش قارین وئردی سئل‌لره/ شاختانی وئردی یئل‌لره/ موشتولوق وئردی یئرلره/ بایرام گلیبدی ائل‌لره
***
ائل‌لریمیز گوله- گوله/ قدم قویسون تزه ایله/ تبریک دئدیم شانلی ائله/ قوی شاد اولسون ائل-اوبامیز/ موبارک اولسون بایرامیز
***
بایرام گوزللیک دیر، گوزللیک‌لر سیزین اولسون
بایرام اومود دور، اومودلارینیز گرچک اولسون
ایل بایرامینیز موبارک اولسون
***
گلدی باهار بایرامی / ایلین گؤزل بایرامی/ قدم‌لرین خوش اولسون/ بایراما دئییر هامی
***
یئتیشن ایل دؤنومون وصل و وصال آرزیلیرام/ دوست‌لارا مینجه سلام، شادلیغا بال آرزیلیرام
تزه ایل شاد یاشایاز، اولماسین هئچ گون کدریز/ یاخشی گون، یاخچی باهار، یاخشی دا حال آرزیلیرام
***
یئنه گلیر نازلی باهار نازلی یاز/ هامی‌نین یازی‌سی‌نی بو ایل یاغلی یاز/ جان ساغلیغی، جیب وارلیغی، اؤلوم آز/ مهریبان آللاهیم بئله یازی یاز
***
بایرام گلیب اؤلکه‌میزه/ چؤلده چیخیب لاله دیزه/ تبریک دئیین بیر- بیریزه/ ایل بایرامیز موبارک
***
داغ‌لارجا اینامیم وار/ قیزیلدان کلامیم وار/ یاخین گله بیلمیرم/ اوزاقدان سلامیم وار
بایرام سیزه موبارک
***
کؤنول بولانماز ایمیش اعتبار اولان یئرده/ قیشین نه عالمی وارمیش بهار اولان یئرده
بایرامیز مبارک
***
بیر قوش اوچدو بیزیم باغا/ سحر- سحر اوخوماغا/ قوندو یاشیل بیر بوداغا/ دئدی گؤزل بایرام گلیر
ایل بایرامینیز موبارک اولسون
***
تازا ایلده، سیزه گون کیمی پارلاق، چای کیمی آخارلی حیات آرزیلیرام.
***
اومیدیم وار تزه ایلده، آرزو تکَریز پنچر اولماسین!
***
ائل‌لریمیز گوله- گوله/ قدم قویسون تزه ایله/ تبریک دئدیم شانلی ائله/ قوی شاد اولسون ائل- طایفامیز/ موبارک اولسون بایرامیز
***
یئنی ایلده آنا دیلیمیز داها آرتیق یازار اولسون/ اورمو گؤلو دولار اولسون/ اودلار یوردو آذربایجان/ اؤزگور اولوب آباد اولسون
یئنی ایلینیز قوتلو اولسون
***
سن گلمه‌سن باهار گلمز.
بایرامیز موبارک اولسون
***
بابکین داش قالاسیندان/ آرازین شانلی سویوندان/ ائلیمین تورکو دیلیندن/ سنه پای گؤنده‌ریرم
یئنی ایلده سیزه یئنی باخیش، یئنی سئوینج و یئنی چالیشقان روحیه، حایات بؤلومونده آرزیلیرام
***
سیزین بو تازه بایرامیز موبارک/ آییز، ایلیز، هفته‌ز، گونوز مبارک…
***
باهار گلیر گول- چیچه‌گی در گیلن/ مومکون اولسا سوفرانیزا سر گیلن/ عزیز دوستون یادا دوشسه هر زامان/ یاز تبریکی دوستونا گؤندر گیلن
***
ائل قدمتی/ تورک سنتی/ آتا- بابالار یادگاری/ ایل بایرامی سیزه موبارک اولسون
***
آنا یوردوم چیچک آچیر، گوللـه‌نیر/ آزادلیق ایسته‌ییر، دیل‌سیز دیلله‌نیر/ اسیر بیر میللتین قورتولوش گونو/ آنا دیلیمیزده بایرام سؤیله نیر…
بایرامینیز موبارک
***
گلن گون‌لرین اورمو گؤلو کیمین دوزلو! ساوالان تک اوجا، سهند تک گؤزل، قیزیل اؤزن تک آخار، طاریم تک یاشیل اولسون
بایرامین موبارک اولسون
***
یئنی ایلینیز قوتلو اولسون
نه گؤزل دیر ائلیمیزین قایدالاری/ چیلله‌سی، چرشنبه‌سی، ایل بایرامی/ بیزیم ائلده هر شئیین اؤز یئری وار/ چون اونون ۷مین ایللیک تاریخی وار
اوغوز بایرامینیز مبارک
***
گلدی یئنی ایل، یئنیلشدی حایات، یئنیلشدیک و یئنیدن گوج آلدی میللت قیز-اوغول‌لاری حایاتدان.
یئنی ایلینیز موبارک
***
اوره‌گینیز اومودلو/ اومودلارینیز آتلی/ سئودانیز قانادلی/ سئوینجینیز قاتلی/ سوفرانیز دادلی/ مکانیز تاختلی/ عؤموروز باختلی/ ائوینیز برکتلی اولسون
بایرامینیز قوتلو اولسون
***
داغ باشیندا قار اریر/ سوفراسین چؤله سریر/ گون اولایدی بایرام تک/ گؤرک آزادلیق گلیر
***
«یاز» اوجا دووارلارین دالینا چاتیب، بیر کیچیک ماهانا اولاجاق سئومه‌لره، داریخمالارا و بیرلیکده آزادلیق یازین یولون گؤزله‌مه‌گه.
یاز موبارک
***
حیط دوروب دام اولماز/ ناهار گلیب شام اولماز/ آزادلیق اینسان‌لارا/ اولماسا بایرام اولماز
***
چیچک‌لرین آچماغی، یازین یوردوموزا گلماغی، قوش‌لارین اوخوماغی، آیدین اولسون
***
اگر آرامیزدا بو یوللار ==========
بو داغ‌لار/\/\/\/\/\/
بو دنیزلر ^^^^^^
بو مئشه‌لر ………
اولسادا گنه هر زامان یادیمداسان….
بایرامیز موبارک
***
اورک سینه‌مده اود توتدو آلیشدی/ بالیق تک سینه‌ده قلبیم چالیشدی
اؤزون ساکت دایانمیشدین باخیردین/ گؤزون منله بیر عالم سؤز دانیشدی
بایرام موبارک
***
تازا ایلده سیزه گون کیمی پارلاق، چای کیمی آخارلی حیات آرزولاییرام. بایرامینیز موبارک
***
سن گلن چاغدا بوتون خاطیره‌لر دیسکینه‌جک/ عشقی زنجیره چکن ثانیه‌لر دیسکینه‌جک/ داردا قالمیش اوره‌گیم قایدالارا سیغمایاجاق/ غزل آزاد اولوبان قافیه‌لر دیسکینه‌جک
***
یئتیشن ایل دؤنومون وصل و وصال آرزیلیرام/ ائل‌لره مینجه سلام، شادلیغا بال آرزیلیرام/ یئنی ایل شاد یاشایین، اولماسین هئچ گون کدریز/ یاخشی ایل، یاخشی باهار، یاخشی بیر حال آرزیلیرام
***
مارال قاچیر جئیرانلا،
قارتال اوچور ترلانلا،
پیشیک گولور آسلانلا،
آشیق اوخور سازیلا،
قیز اویناییر نازیلا،
گولومسه‌ییر یازیلا،
یئنی ایلیز موبارک
***
داریخما یورغون اورک!
نهنگ ایلی گله‌جک
آغزیندا یونس آدلی پیغمبر گتیره‌جک
***
شکر کیمی دادلی،
ناغیل کیمی گؤزل بیر ایل آرزولاییرام سنه.
یئنی ایلین جان ساغلیغی، اوغور و سعادتله دولو اولسون.
مین بئله بایرام‌لار
***
قارانقوش‌لار یازین ساوچی‌سی دیلار، وطنیم قارانقوش‌لارین یولون گؤزله‌ییر.
***
بایرام گلدی ائلیمیزه/ سو گلمه‌دی گؤلوموزه
باغلی قالان دیلیمیزه/ سوسوز قالان گؤلوموزه
شان- شوکتلی ائلیمیزه/ بایرام قوتلو اولسون
***
سئوگیلی وطنداش‌لار!
یئنی ایل آنلاییشیمیز اولان اویانیش و “ارگنه گون بایرامی” سیزه قوتلو،
ایستک‌لرینیز چین- چین، قازانجینیز مین- مین
سئوگی و سایغینیز درین اولسون.
***
سیزه گون کیمی پارلاق/ چای کیمی آخارلی حیات آرزولاییرام
ایل بایرامیز موبارک
***
قارا گیلاسین باغیسان/ تورک‌لرین تاجیسان/ ملک‌لر سنه چاتماز/ چون آذربایجان اوشاغیسان
بایرامیز موبارک
***
غم آغاجی سیزه کؤلگه سالماسین/ درد یاماندی صبرینیزی آلماسین/ من چکمیشم بو انتظار چتیندی/ آرزوم بودور گؤزوز یولدا قالماسین
اوغوز بایرامیز موبارک
***
داغ‌لار دایاغین اولسون/ گونش چیراغین اولسون
آچیلسین باغلی یول‌لار/ بایرام موبارک اولسون
***
الینده چیچک آچسین، تیکان‌لاری باتماسین!
محبت سنینله اولسون، سنی آغلاتماسین!
دایم چیچک‌لر کیمی طراوتلی اولاسان، آما هئچ واقت سولمایاسان!
***
حکیم هیدجی:
هر قیش دالیجا یاز گلیر، هر گئجه گوندوز/ ایندی کی گون باتیب قارانلیق دیر تلسمه‌یوز
حق جدّ و جهد ائیلییه‌نه گؤسته‌ریر یولو/ اوز غیرحقه قویما، سنه حق گتیرسین اوز
حاجت آپارما بنده‌یه، مخلوغا تیکمه گؤز/ آللاهدان اؤزگه‌سی اولا هر کیم، اومیدین اوز
***
حکیم هیدجی:
بو روزگار کئچر، یاخچی روزگار گلیر/ کؤنول داریخما، غم ائتمه کی غمگسار گلیر
دومان توتوب یئر اوزون گر یاغار هاوادان قار/ کئچر- گئدر بو سویوق قیش، یئنه باهار گلیر
***
قاپی‌لاری آچین یاز گلیب.

گل قاپینی آچ
چوخدان دیر کی بو کوچه
بیر دلی‌نین داشلانماسینا تامارزی‌لاییب
آیی گؤرمه‌سم کی دلی اولمارام
“سیدحیدر بیات”
بایرامیز موبارک
***
هر تزه ایل گلنده قوجالیریق دئمه بیز/ جاوانلاشیر قلبیمیز، جاوانلاشیر عشقیمیز
***
اگر چه غم بورویوبدور بو خسته جانیمیزی/ کسنمه‌ییبدی، کسنمز بیزیم امانیمیزی
هر اود یاغاندا حاصار چکمیشیک بدن به بدن/ کی سئوگی شؤعله‌لری قاینادیبدی قانیمیزی …
بایرامیز موبارک
***
هر یئرده‌سن، ساغ یاشا/ شاد، داماغی چاغ یاشا
قره‌لردن اوزاق گز/ بختین کیمی آغ یاشا
***
گولمک اوچون خوشبختلیگی گؤزله‌مه/ خوشبختلیک گولوشونده یاشاییر!
یئنی ایلده، گولوش همیشه سیزله اولسون
***
ای تورک‌لرین گؤزه‌لی/ قیزیل آلما باغی‌سان
ملک‌لر سنه چاتماز / چون زنگان اوشاغی‌سان
***
سیزین هر وقتیز خوش اولسون/ منیم ده یئریم بوش اولسون
داغ‌لار تکین اوجالاسیز/ خوش یاشاییب قوجالاسیز
هر گونوز بایرام اولسون
***
من دئییردیم گله‌جاق یاز بورویه هر یانی گول/ سن اینانمیردین الان گل، گؤتوروب هر یانی گول
***
آچیل سحر/ اویان گونش
آچیل بو سون نفسده/ بو قارانلیق قفسده
سن ایله من یئنه تاپیم حیات
چیچک‌لرین آچیلسین/ شفق‌لرین ساچیلسین
باغیشلاسین بو ائل‌لره حیات
***
سینایدی بو قفس‌لر/ آچیلایدی نفس‌لر/ کوراوغلونون سسی تک/ داغیلایدی بو سس‌لر
***
یئنی ایل بایرامینیز قوتلو
نه قدر اسیرسن، اس قارا کولک/ سیندیر باغ- باغچادا دالی- بوداغی!
یول، یئتیم ساچی تک برق سیم‌لرین/ سؤندور هر گئچیتده یانان چیراغی
بونو بیل، دان یئری آغارمادادیر/ یارین آلتین تئللی گونش چیخاجاق
اؤتکون اوخ‌لاریلا تؤکوب گؤزونو/ ظولمت بوجاغینا سنی سیخاجاق
***
ایل بایرامیز موبارک
داخی سؤندور شمعی پروانه، کی یاریم گلدی/ قلبیمه نورو ساچان نازلی نیگاریم گلدی
من اؤزوم شمعینه پروانه‌یم، ای پروانه/ بولبولم فصل خزان اؤتدو، باهاریم گلدی
غلامحسین بیگدلی
***
بایرامیز موبارک
بو قیشی دا سالدیم یولا/ بو قار دا اریدی، آنام
قوشولوب اریین قارلا/ آغلاسام، یئریدی، آنام!
دؤنوب باختین اوزو بیزدن/ کیم قورتارار بیزی- بیزدن؟
بو دونیادا اؤزوموزدن/ دردیمیز دیریدی، آنام!
گون بورودو دؤرد بیر یانی/ باختیما دوغان گون هانی؟
ساعاتیم یوخسا دونیانین/ واختیندان گئریدی، آنام؟!…
رامیز روشن
***
اونوتماق اؤلوم قدر آجی اولسا/ خاطیرلاماق یاشاماق قدر گؤزل دیر
حیات آجی‌لارلا دولو اولسادا/ دوستدان گلن بیر سلام، عؤموره بدل دیر
***
گؤروم تولکو جنگلده شیر اولماسین/ ستمکار خلقه باش اولماسین
بوتون پاک اورک‌لر گؤروم شاد اولا/ مقدس آذربایجان دائم آباد اولا
بایرامیز موبارک
***
بایرام‌لار برکت دیر، اوموددور.
صاباحا نیت دیر
دعالارینیز قبول اولسون، سئودیک‌لرینیز همیشه سیزینله اولسون.
بایرامینیز موبارک اولسون
***
بایرامیز موبارک
گؤرسه‌دن یار قامتین بی‌کینه دیر آیینه‌لر/ بیلمیرم آیا نه ایستیر سینه‌لردن، کینه‌لر؟
مستحق وصل یار اولماق چتین دیر دالدا دور/ صفده دیر عشق آتشیندن پارچالانمیش سینه‌لر
حمیده رئیس‌زاده (سحرخانیم)
***
بایرامیز موبارک
ای یاراسا قوشو، گئجه گئچیبدیر/ بو قارا پرده‌‍‍‌‌دن، دان سؤکوله‌جک
گونش یاشماغینی اوزدن آتاراق/ منیم ده گولمه‌ین اوزوم گوله‌جک

یوروم یازین

Back to Top