دیل سئچین

بشار اسد: روسیا، چین و ایرانا رژیمیمه وئردیگی دستکدن اؤتری تشککور ائدیرم

اویان نیوز: خشونتلی حادثه‌لری‌نین سوردویو سوریه‌ده دولت باشقانی بشار اسد اوزون بیر آرا‌دان سونرا تلویزیوندان خالقا سسلندی

خشونتلی حادثه‌لری‌نین سوردویو سوریه‌ده دولت باشقانی بشار اسد اوزون بیر آرا‌دان سونرا تلویزیوندان خالقا سسلندی.

روسیا، چین و ایرانا رژیمینه وئردیگی دستکدن اؤتری تشککور ائدن اسد، مخالیفلرله دیالوقا آچیق اولدوق‌لارینی سؤیله‌دی.

اسد، باشکند شامدا اوپرا ائوینده رژیمین یوکسک وظیفه‌لی آدلارینا ایستیقامت‌لی اولا‌راق ائتدیگی و سوریه دولت تلویزیونوندان دا جان‌لی اولا‌راق نشر اولونان دانیشماسیندا، سوریه‌نین داواملی‌لیغی اوچون رژیم ایله مخالیفت آراسیندا امکداشلیغین شرط اولدوغونو سؤیله‌دی.

دیالوقا سؤیکنن سیاسی حلی اصلا ردد ائتمه‌دیکلرینی ایفاده ائدن بشار اسد، اؤلکه‌سی‌نین آزاد و موستقیل بیر دولت اولا‌راق قالماسینی خاریجیلرین اگمنلیغینه گیرمه‌سینی ایستمه‌دیک‌لرینی ایفاده ائتدی.

اؤلکه‌سینده بیر وطنداش محاربه‌سی اولدوغو شکلین‌ده‌کی شرحلری رد ائدن سوریه دولت باشقانی، اؤلکه‌سی‌نین خاریجی گوجلرین سالدیریسی آلتیندا اولدوغونو ادعا ائتدی.

اسد، خاریجی گوجلرین سیلاحلی قروپ‌لارا دستگینی کسمه‌سی حالیندا سوریه اوردوسونون عملیات‌لاری دایاندیراجام بیلدیریب.

سوریا دولت باشقانی، سرحدلرده نظارتین تامین ائدیلمه‌سی حالیندا مخالیفلرله بیرلیکده میللی راضی‌لیق کونفرانسی ائتمگی پلانلادیق‌لارینی و بورا‌دان چیخا‌جاق یئنی آنایاسانی رفراندوما تقدیم ائتمه‌یه حاضیر اولدوق‌لارینی قید ائتدی.

ت.ر.ت. تورکی

یوروم یازین

Back to Top