دیل سئچین

بو گون دونیادا خرجنگ خسته‌لیگی ایله موباریزه گونودور

اویان نیوز: خرچنگ دونیادا اؤلومه سبب اولان اساس خسته‌لیکلردن بیری‌دیر. اومومدونیا سهییه تشکیلاتینین بیلدیردیینه اساساً ۲۰۰۸-جی ایلده خرچنگ خسته‌لیگی ۷،۶ میلیون اینسانین اؤلومونه سبب اولوب و هر ایل خرچنگ خسته‌لیگی ایله باغلی تخمیناً ۱۳ میلیون یئنی حال آشکار ائدیلیر.

اومومدونیا سهییه تشکیلاتی بیلدیریر کی، یئنی خسته‌لیک و اؤلوم حاللارینین اوچده ایکی‌سی اینکیشاف ائتمک‌ده اولان اؤلکه‌لرین پایینا دوشور و بو حال ناراحات دوغوراجاق بیر سوییه‌ده آرتماغا داوام ائدیر.

اومومدونیا سهییه تشکیلاتینین خرونیکی خسته‌لیکلر و ساغلاملیغین مؤهکملندیریلمه‌سی شعبه‌سین‌ده تیببی متخصص آندرئاس اولریچ گلجیین اومیدوئریجی اولمادیغینی دئییر: «اهالینین یاشلانماسینی و توتون کیمی اساس ریسک‌لی فاکتورلاری نظره آلماقلا گله‌جک ۲۰ ایلده خستلیین یئنی حاللارینین ایکی دفعه آرتاجاغینی گؤزلییریک. بیز بیلیریک کی، فیزیکی حرکت‌سیزلیک، آرتیق چکی، توتون و ایسپیت‌لی ایچکیلردن ایستیفاده خرچنگ خستلیینه سبب اولان اساس ریسک‌لی فاکتورلاردیر. بئله‌لیکله، دونیانین اینکیشاف ائتمک‌ده اولان اؤلکه‌لرده بؤیوک شهرلره یاخین اراضیلرده خرچنگ خستلیینین آرتاجاغی گؤزلنیلیر.»

اولریچین سؤزلرینه گؤره، خرچنگ خسته‌لیگی اؤلوم هؤک‌مو دئمک دئییل. او قئید ائدیر کی، اینسانلارین اوچده بیری اؤلوم حاللارینین قارشی‌سینی حیات طرزلرینی دییش‌دیره‌رک آلا بیلرلر. توتون و ایسپیرت‌لی ایچکیلردن ایفرات ایستیفاده ائدیلمه‌سی کیمی آلیشقان‌لیغی دییشدیریب، ساغلام قیدالانماق و آرتیق چکینین قارشی‌سینی آلماق اوچون ایدمان ائتمکله اینسانلار حیاتلارینی خلاص ائده بیلر. او، خرچنگ خسته‌لیکلرینین بعضی نؤولرینین پئیوندله قارشی‌سینین آلینا بیلجیینی قئید ائدیر.

۱۸۵ اؤلکه‌ده کئچیریلمیش سورغونون نتیجه‌لری خرچنگ خسته‌لیگی ایله موباریزه و تیببی خیدمت ساحه‌لرین‌ده جدی بوشلوغون اولدوغونو گؤستریر.

سورغونون نتیجه‌لرینه اساساً، آفریکا اؤلکه‌لرینین یالنیز ۱۷ فایزی، اهالینین گلیرلری آشاغی اولان اؤلکه‌لرین ایسه ۲۷ فایزین‌ده خرچنگ خستلیینین قارشی‌سینین آلینماسی، خستلیین آشکار ائدیلمه‌سی، موالیجه‌سی و خسته‌لره کؤمک ائدیلمه‌سی اوچون پلانلار مؤوجوددور. لاکین بو اؤلکه‌لرینین هئچ بیری بو پلانلارین حیاتا کئچیریلمه‌سی اوچون مالییه دستیینه مالیک دئییل.

 

قایناق آمریکا سسی

یوروم یازین

Back to Top