دیل سئچین

بو گون دونیا آذربایجانلیلارینین دایانیشما گونودور

260013_436160543094335_1309655391_n

اویان نیوزا اؤزل: ۳۱ دئکابر ۱۹۸۹ تاریخینده(۱۰ دی ۱۳۶۸) قوزئی و گونئی آذربایجانلیلار، ایران و سووئت طرفیندن آذربایجان تورپاقلاریندا قورولموش سرحدلری داغیتدیلار. 

آذربایجانین گونئی و قوزئیینی آییران بو سرحدلری داغیتماق گونئی و قوزئیلیلرین گؤروشمه‌لرینه و اوزون ایللرین حسرتینه سون وئرمه‌یه سبب اولدو.

ابولفضل ائلچی بی حؤکومتی ۱۹۹۲-جی ایلده بو گونو، دونیا آذربایجانلیلارینین دایانیشما(همبستگی) گونو ائعلان ائتدیکدن سونرا بو گون، گونئیلی و قوزئیلی آذربایجانلیلار طرفیندن آنیلماقدا، تدبیرلر، کونفرانسلار، کونسئرتلر کئچیریلمکده‌دیر.

قوزئی آذربایجاندا رسمی اولاراق کئچیریلن بو بایرام، “دونیا آذربایجانلیلارینین همرایلیک گونو” آدییلا کئچیریلسه ده گونئیلی فعاللار بو سیموولیک گونو داها چوخ “دونیا آذربایجانلیلارینین دایانیشما گونو” آدی ایله آنماغا اوستونلوک وئریرلر.

یوروم یازین

Back to Top