دیل سئچین

"بَیَنمه‌دیم"؛ فیس بوکون یئنی دویمه‌سی

12201413172316

اویان نیوز: فیس بوک، «بَیَنمه‌دیم»{دیس‌لایک} دویمه‌سینین یاخین زاماندا آرتیریلاجاغینی بیلدیریب.

بونو فیس بوک باشچی‌سی، مارک زاکربرگ، شیرکت‌ده قورولان جانلی اوتوروم{جلسه} زامانی دئییب.

مارک زاکربرگ بیلدیریب کی: «قوللانیجیلار، ایل‌لردیر بیزدن «دیس‌لایک» دویمه‌سی‌نین یارادیلماسینی ایسته‌ییرلر. بیز سیزی ائشیتدیک و بو اؤزل‌لییی آرتیراجاییق.»

زاکربرگ-ین سؤزلرینه گؤره، فیس بوک، چوخداندیر بو ایشی گؤرمک‌ده ایکی کؤنول‌لو ایدی. آنجاق ایسته‌یَنلرین سایی آرتدیقجا، «دیس‌لایک» دویمه‌سینی آرتیرمالی اولدوق. زاکربرگ آرتیریر کی: «دیس‌لایک» دویمه‌سی، پایلاشیمین قارشی‌سینا سس وئرمک دئییل. داها چوخ، «تأسف ائتمک» بیلدیریلمه‌سی آنلامینی داشییاجاق. دویمه‌نین نه زامان قوللانیما{استفاده‌یه} وئریلمه‌سی هله آیدین دئییل.

۲۰۱۴-جو ایلین دئکابریندا «فیس بوک»، «دیس‌لایک» دویمه‌سینین آرتیریلماسینی رد ائتمیشدیر. او زامان زاکربرگ بو اؤزل‌لییین، «فیس بوک» اوچون اؤنملی اولمادیغینی بیلدیرمیشدیر.

قایناق: بیلیم سسی

یوروم یازین

Back to Top