دیل سئچین

تئلئگراف

اویان نیوز:

سونرا بولود چؤکدو قلمیمه

شعریمین سسی ده‌ییشدی

کؤچری قوش‌لار

بیر داها دؤنمه‌دیلر دفتریمه

ایناندیرا بیلمه‌میشدیم

بئینی سیلاحلی‌لاری.

پنجره‌لرینین یادداشی

قوش‌سوزلار

چیچک‌سیزلر

بویلو تورپاغین دیلین باشا دوشمه‌ینلر

یاغیشدا یویولموش هاوانی

یاشایا بیلردیلر می؟

نه دئدیم اینانمادیلار

نه گؤزلریمی

نه یاغیشلی گئجه‌نین اینیلتی‌سین.

کتابلاریمی اوخومادیلار

آنامین اوره‌ک دؤیونتولرین ده.

مرکزدن گلن تئلئگراف

نه دئمیشدی

یئر به یئر

یئرینه یئتیریلدی.

سئوگی‌دن دانیشدیم

قایانی محبت‌له یاران چیچکدن

سود امر سونبولون

سوتول ـ سوتول دنیزلنمه‌سیندن

هئیوادان

ناردان دانیشدیم

اینانا بیلمه‌دیلر آمما

مرکزدن گلن تئلئگرافین

آلماسیزلیغینی.

(ناصر داوران)

قایناق ایشیق نت

 

یوروم یازین

Back to Top