دیل سئچین

تاتار تورکجه‌سی، تاتاریستانین دؤولت دیلی

اویان نیوز : تاتاریستاندا باغیمسیزلیق طرفدارلاری لاتین الیفباسینا گئچمه‌یی طلب ائدیر

تاتاریستان پارلمانی، تاتار تورکجه‌سینین لاتین و عرب الیفباسی ایله قوللانیمینا ایمکان تانییان “تاتاریستاندا تاتارجانین دؤولت دیلی اولا‌راق قوللانیلما‌سی” قانونونو قبول ائتدی.

سؤز قونوسو قانونا گؤره، دؤولتین رسمی یازیشما‌لاری کیریل الیفباسی ایله یازیلمایا داوام ائده‌جک، آنجاق وطنداش لاتین و یا عرب حرفلریله یازیلان دیلکچه ایله باش‌ووردوغو زامان، کیریل الیفباسی ایله یازیلان جاوابین یانی‌سیرا لاتین و یا عرب الیفباسی ایله یازیلان اک‌ین اولماسی ضروری اولا‌جاق. قانون، پرزیدنت رستم میننه‌خانوو ایمضالاییب قازئته‌ده یایینلاندیغی تاریخ‌دن اعتباراً ۱۰ گون سونرا یورورلوگه گیره‌جکدیر.

۱۹۹۹.جو ایلده لاتین الیفباسینا گئچیش یاساسینین یورورلوگو روسیا آنایاسا محکمه‌سی طرفین‌دن دوردورولموش، تاتاریستان یوکسک محکمه‌سی ده یاسانی لغو ائتمیشدی. اویلاما اؤنجه‌سینده چیخیش ائدن تاتاریستان ساوجیسی کافیل امیروو محکمه قرارلارینا خاتیرلا‌تمادا بولوندو و یوکسک محکمه‌نین لغو حؤکمونون یئرینه یئتیریلمه‌سی گرکدیگینی ایفاده ائتدی. ساوجینین اویاری‌لاری میللت وکیل‌لری طرفین‌دن دقته آلینمادی. تاتارلار اسکی‌دن عرب الیفباسینی قوللانیردی. ۱۹۲۷-۱۹۳۹ ایللری آراسیندا لاتین الیفباسی، ۱۹۳۹.جو ایلدن سونرا ایسه کیریل الیفباسی قوللانمایا باشلاندی. تاتاریستاندا باغیمسیزلیق طرفدارلاری لاتین الیفباسینا گئچمه‌یی طلب ائدیر. اویلامایا قاتیلان وکیللرین ۶۲سی لاتین الیفباسینا گئچیلمه‌سینه دستک وئردی. ۱۸ میللت وکیلی علیه‌ده اوی قوللاندی. تاتاریستان مجلیس باشقانی فرید محمدشین اویلاما سونراسیندا آچیقلاما یاپاراق یئنی قرارین وطنداش‌لاری اولوسلارآراسی ایلیشکیلر آلانیندا اولوملو یؤنده ائتکیله‌یه‌جگینی وورغولادی.

ت ر ت تورکی

یوروم یازین

Back to Top