دیل سئچین

تانئر ییلدیز افقانیستانین پایتختی کابیلی زیارت ائتدی

اویان نیوز : مختلیف تماس‌لاردا اولان ییلدیز، تورکیه اوچون افقان خالقی‌نین، یئر آلتی قایناقلاریندان‌ چوخ داها قیمت‌لی اولدوغونو سؤیله‌دی

انرژی و طبیعی قایناق‌لار ناظیری تانئر ییلدیز افقانیستانین پایتختی کابیلی زیارت ائتدی.

مختلیف تماس‌لاردا اولان ییلدیز، تورکیه اوچون افقان خالقی‌نین، یئر آلتی قایناقلاریندان‌ چوخ داها قیمت‌لی اولدوغونو سؤیله‌دی.

تانئر ییلدیز ایلک اولا‌راق افقانیستان معدن‌لر ناظیری وحیدالله شهرانی ایله بیر یئره گلدی.

ناظیرلر توپلانتی سونراسی امکداشلیغین آرتا‌راق داوام ائده‌جگینی سؤیله‌دی.

ییلدیز، “بیز افقانیستانا هر هانسی بیر اؤلکه اولا‌راق باخمیریق. بورا بیزیم ائویمیز و قارداش‌لاریمیزین اولدوغو بیر یئر. بورادا هم دولت اولا‌راق، تورکیه نفت آنونیم اورتاق‌لیغی TPAO اولا‌راق هم ده خصوصی سکتور اولا‌راق بیر چوخ ایشده اولماق ایستییریک” دئدی.

بعضی تورک شیرکتلری‌نین طبیعی گاز چیخاریلماسی موضوعسوندا مناقصه قازاندیغینی وورغولایان افقانیستان معدن ناظیری وحیدالله شهرانیده، “TPAO ایله افقانیستان-تاجیکیستان سرحدینده نفت آختاریش و اوره تیم موضوعسوندا راضیلاشما اولدو. هر ساحه‌ده تورکیه‌نین دستگینی و وارلیغینی آرخامیزدا گؤرمک ایستییریک دئدی.

تانئر ییلدیز داها سونرا جمهور باشقانی ماوینی کریم خلیل رضانی ایله بیر آرایا گلدی.

خلیل رضانی، تورکیه‌نین خصوصیله سون ۱۰ ایلده افقانیستاندا اهمیت‌لی و حیاتی خیدمت‌لر ائتدیگینی ایفاده ائتدی.

ناظیر ییلدوز، دانیشیق‌لارین آردیندان بابور باغچاسیندا تورک-افقان دوستلوغو آدینا تشکیل ائدیلن سرگی‌نین آچیلیشینی ائتدی.

سرگیده تورک و افقان صنعتچی‌لرین اثرلری بؤیوک ماراق گؤردو.

 

ت ر ت

یوروم یازین

Back to Top