اویان نیوز : یادیگار ایمام ایستادیومو(سهند)، آسیانین ۸ اوستون ایستادیوم لارین آراسیندا!
“محمدریضا کسرایی”،شرقی آذربایجانین مسئول لاری و فداراسیونون تمثیلچی لرین حضورو ایله آسیا لیگینین، گرگچیلندیرمه اوتورموندا(جلسه توجهی) دئدی :تراختور تیمی، گروهی دونه سینده، اوچ اویوندا قوناقچی اولاراق،ایستادیومدا ۷۰ مین یانداشین حضورو ایله بوتون آسیانی شاشیرداجاق !
“کسرایی” آرتیردی؛ شرقی آذربایجانین ،ماراغی بو یاریش لاری کئچیرمه یه آلقیشلامالی دیر وبئلنچی شوق باشقا بؤلگه لرده اینانیلمازدیر!
کسرایی دئدی:تاسوفله یاخین ایل لرده بین الملی یاریشمالار، تهران واصفهان دا کئچیریلیردی! و بو ایکی شهر، سیناق لاردان (امتحان)باشی اوجا چیخیب لار و یاریش لاری کئچیرمه یه، یاخشی دورمو اونلاردا تؤره نیب! بئلنچی یاخشی دورمو ،تبریز ده ، تؤره تمه ییمیز گرکیر!
”کسرایی” یادیگار ایمام استادیوموندان، گؤروشه رک ،آرتیردی: شوکورلر اولسون ،یادیگار ایمام استادیومو “ای اف سی” دن، نومره بیر درجه سین، آلماغا نایل اولوب! آسیادا یالنیز ۸ استادیوم بو درجه نی آلماغا نایل اولوب لار! بو، بؤلمه لر اساس ،اؤلکه میزین سهمیه سی ۳+۱ اولوب.
“کسرای “الیته یادیگار ایمامین ،ایراد واکسیکلرین (نواقص)سایاراق،قیسسا زاماندا اکسیک لری آرادان آپارماغین گرکلی بیلدیردی.
اکسیک لر وموشکول لر:
۱- ساغلیق ودوپینگ اوتاغین اولماماغی
۲-اینترنت ومخبرلیک ایمکاناتین اولماماغی
۳- اویونچولار اوچون اؤزل گیریش یولون اولماماغی
۴-قاپی لارین دیرک لرین ایستاندارد اولماماغی
۵- ذخیره (ساخلانج)صندل لرین ۲۲ دانا اولماماغی
۶-”وی آی پی” صندل لرین یاخشی ایله دوزگون اولماماغی
۷- تاماشاچی لارین سایغاجین اعلامی
۸-مئیدانین اطرافیندا اولان ریکلام لارین گؤرتومه یی
۹- دینجلمه اوتاق لاریندا(رختکن) ،ایش قاب قورماق
“کسرایی” آرتیردی: آسیانین کونفدراسیونو بیرینجی اویونلاریندا ،هوشلو باشلی گؤزلمجی لره (ناظر)قوللانار!و بیزیم یئترلی دیقتیمیز ،قوناقچی لیقدا گرکیر!
“کسرایی” قوناقچی باشگاهین وظیفه لرین بئله سایدی:
۱-قوناق تیمینه، اوتاق رزرو ائله مک
۲-خبر کنفرانسین، کئچیرله مه یی
۳-تمرین یئرین حاضیرلاماغی
۴-یاخین خسته خانا ایله موقاویله باغلاماق
۵-۱۵ نفر توپ یغان
۶- هر تیمه اوچ دیلمانج
اویون کئچیریله ن استادیوم ۷۲ ساعات قاباقدان” ای اف سی” ین ایختیاریندا اولماغی گرگیر !ایستادیومون سؤزچو سو، انگیلیزجه دیله و فارسجا یا تورکجه دیله قوللانا بیلر!
مدرن تبریز بلوگ
