دیل سئچین

تبریزده موغام موسابیقه‌سی کئچیریلیر

اویان نیوز: بیرینجی فجر موغام فستیوالی فورالین ۲۵-ده تبریزده کئچیریلیر. ایرانین رسمی خبر آگنتلیکلرینین یایدیغی معلوماتینا گؤره، موسابیقه‌ده ۷۲ موغننی و موسیقیچی ایشتیراک ائدیر.

ایکی گونلوک تدبیرین قالیبلری ۵ خاننده، تار، کامانچا، توتک، ناغارا، قوشاناغارا، اود، بالابان، قاوال، قانون و قارمون کیمی چالغی آلتی ایفاچیلاری مونسیفلر هیاتی طرفین‌دن سئچیله‌جک.

زنجان، اردبیل، غربی و شرقی آذربایجان ویلایتلری، هابئله تهران شهریندن ده موسیقیچیلر موسابیقه‌یه قاتیلیب.

سس اوستادلاری نعمت جوانشیر، ودود مؤذن، ناصر عطاپور و احمد ستاری، شاعر و اینجه سنت خادیمی خسرو سرتیبی، تار اوستادی مراد کاشف و کامانچا اوستادی سید میرزازاده موسابیقه‌نین ژوری اوزولریدیرلر.

آذربایجان وب صحیفه‌لری اوزون ایللر بویو آذربایجان موسیقیسینی محدودلاشدیران ایران ایسلام رسپوبلیکاسینین بو هجمده بیر موسیقی فستیوالی کئچیرمه‌سینی غیری-عادی حال کیمی قیمتلندیریر.

بو سایتلارین یازدیغینا گؤره، گنجلرین آذربایجان موسیقی‌سینه اولان ماراغی و رغبتینین سرعتله آرتماسی نتیجه‌سین‌ده اونلارین آذربایجان رسپوبلیکاسینا جلب ائدیلمه‌سی ایران ایسلام رسپوبلیکاسینی قورخودور و حکومت اؤلکه داخیلین‌ده بئله فستیواللارین کئچیریلمه‌سینه شرایط یاراتماغا مجبور اولوب.

 

آمریکا سسی

یوروم یازین

Back to Top