دیل سئچین

«تبریزیم» تیاتر فستیوالین دؤردونجو ایلینده

IMG_20150816_143820

اویان نیوز: تبریز بلدیه‌سی‌نین اینجه صنعت و کولتورل(فرهنگی) سازمانی، «تبریزیم» آدلی آچیق هاوا- خیاوان تیاتری فستیوالی‌نی موسافیر پارکیندا کئچیریر.

«تبریزیم» تیاتر فستیوالین دؤردونجو ایلینده تبریزلی گوروه‌لاردان علاوه؛ نئچه گوروه تورکیه، آذربایجان و بیر گوره ایسه عراقین کوردوستان اقلیمین دن بو فستیوالا قاتیلمیش‌دیلار.

دئمه‌لی‌دیر بو فستیوال موردادین ۲۲سیندن ۲۵‌دک تبریز بؤیوک شهرین(کلانشهر) موسافر پارکیندا کئچیریلیر.

بو تیاتر فستیوالی گرچک‌ده، وطن‌داشلیق(شهروندی) فرهنگی‌نی یوکسلتمک، هابئله وطن‌داشلیق بیلگی و بئجه‌ری‌سینی قالخیندیرماق(توسعه) اوچون کئچیریلیر.

خیاوان تیاترلارین قونوم‌لارین(موضوعیت) چوخو وطن‌داشلیق قاورامین(مفهوم) اساسیندا اولاراق؛ وطن‌داشلیق فرهنگی‌نی یوکسلتمک ایسته ییر.

«تبریزیم» تیاتر فستیوالین ایل به ایل کیفیتین بؤیوماغی‌نا باخمایاراق؛  اکسیک‌لیک‌لر و بوشلوق‌لار یئنه گؤزه گؤرونوردو.

فستیوالین اوچونجو گونون‌ده آلتی نوماییش ایجرا اولوندو.

«فیس پوووک» آدلی نوماییش، توپلومسال آغلارین(شبکه های اجتماعی) ضررلری‌نی گؤسترمک اوچون صحنه‌یه چیخمیشدی.

ایکینجی تیاتری عراقین کوردوستان بؤلگه‌سین گوروهو سرگی‌له‌دی. «تاته ابراهیم» کوردجه دیلیندن گؤستریله‌ن بیر نوماییش ایدیر.

 فستیوالین آردیندا «آ مثل آب» نوماییشی سو سورون‌لارینا (مسئله آب) توخوناراق؛ تاماشاچی‌لارین آلقیشینی یوخاری حد‌ده قازاندی.

بابک مینقی ایسه، «قیزیل» آدلی تیاتری‌له زیبل دؤنوشدورمه‌‌نی(بازیافت زباله) صحنه اوستونه گتیرمیش‌دیر.

اما فستیوالین اوچونجو گونون یوخاری و یوکسک آنلارینی(لحظات) آذربایجان جومهوریتین گوروهو یاشات دی.

آذربایجانلی گوروه «Tesserakt» آدلی نوماییش ایله تاماشاچی‌لاری حیران ائتدی.

قوزئی‌دن گلمیش گوروه، قاورامسال ایله دیالوگ‌سوز بیر ایش‌له تاریخین گئچمیشی‌نی وبشریت‌ین سئیری‌نی یاخشی سویه‌ده جانلاندیردیلار؛آذربایجان گوروهو  دیالوگ‌سوز اما موسیقی‌لی تیاترین دا ؛اینسانین چاشقینلیغی و اخلاقسیرلیق‌لارینی اوجومله‌دن:تئرور،ساواش، سوی قیریمی و چاغداش اینسانین بی تفاوت‌لوغو تاماشاچی‌لارا سرگی‌له‌ندیردی.

آنلاملی موسیقی و اویونچولارین یارادیجیلیق‌لار(خلاقیت) دفعه‌لرله تاماشاچی‌لاری هیجانلاندیردی.

بو نوماییش گرچکدن فستیوالین اوچونجو گونونون ان یوخاری گؤستری‌سی آدلانمالی‌دیر.

فستیوالین سون ساعت‌لاریندا «چؤل آدلی» موزیکال و گولدورو(کمدی) تیاتر گوروهو صحنه‌یه چیخدی.

«عاشق و معشوق» تیاتری؛ فستیوالین اوچونجو گونون سون گؤسته‌ریسی اولاراق؛ تورکیه‌لی گوروهون طرفیندن ایجرا اولوندو.

سعید پورصمیمی‌نین فستیوال دا اولماسی فستیوالین جالیب و ده‌یرلی ئیرلرین‌دن بیری سایلیردی.

«تبریزیم» خیاوان تیاتری صاباح (دوشنبه) ساعات ۲۱ده ایکی ایجرا و باغلانیش(اختامیه) مراسیمین کئچیرلمه‌سی ایله ایشی‌نین سونونا چاتاجاق‌دیر.

قایناق: بیلیم سسی

 IMG_20150816_143814 IMG_20150816_143820 IMG_20150816_143829 IMG_20150816_143834 IMG_20150816_143839 IMG_20150816_143844 IMG_20150816_143848

یوروم یازین

Back to Top