اویان نیوز: ایران‌دا یاشایان آذربایجان‌لیلارین سئویملیسی، تبریزین «تراکتورسازی» فوتبول کومانداسی ایلک دفعه اولاراق آسییا چئمپیونلار لیقاسیندا اویونلارین‌دا ایشتیراکا باشلاییب. آمریکانین سسینین معلوماتینا گؤره، قیته میقیاسلی تورنیرلرده تجروبه‌سینین اولماماسینا باخمایاراق تبریزلیلر گوجلو رقیبلری بیرلشمیش عرب امیرلیکلرینین ال-جزیره کومان‌داسینا غالیب گلیب.
حسابی ماتچین ۳۷-جی دقیقه‌سین‌ده “تراختور”لو مهدی سیید-صالحی آچیب. ۶۰-جی دقیقه‌ده مهدی کریمیان ین اؤتورمه‌سی ایله جاواد کاظیمیان حسابی ۲-۰ ائدیب. ۷۹-جو دقیقه ده ال-جزیره حساب فرقینین مینیموما ائندیرسه ده، ۸۱-جی دقیقه‌ده مسعود ابراهیم‌زاده حسابی معین ائدیب: ۳-۱. گولدان دؤرد دقیقه سونرا تبریزلیلر آزلیقدا قال‌سا دا، بو، حسابا تأثیر ائتمه‌ییب.
یادگار امام ایستادیوموندا کئچیریله‌ن ماتچدا ۶۷۰۰۰-دن چوخ فانات مات‌چی جان‌لی ایزله‌ییب. ایستادیون تام دولدوغون‌دان چوخ ساییدا هوسکار اطراف تپه‌لیکلره توپلاشیبلار. اکسپرتلر تراکتورسازینین قلبه‌سین‌ده باشلیجا رولو اجتماعی دستیین اوینادیغینی استثنا ائتمیرلر.
اویوندان اول تراختور آزارکئشلرینین سایتلاری و فایسبووک صحیفه‌لری «تراختور و تراختورچولار آسییا اویونلارینا حاضیرلاشیر» دئیه اعلانلار وئریبلر. سایتلار یازیب کی، تبریز کومان‌داسینین فاناتلاری بو ماتچلاردا آذربایجان تورکلرینین میللی طلبلرینی بینلخالق جمعیتلره چاتدیرماق اوچون حاضرلیق ایشلری گؤرولوب.
ایللردیر کی، تراختور ایران آذربایجانیندا تکجه ایدمانسورلرین دئییل، میللی فعاللارین دا دقت مرکزین‌ده اولوب. آذربایجان شهرلرین‌ده باش قالدیران اعتراض آکسییالاریندا ایران ایسلام رسپوبلیکاسینین سرت گوج تطبیقی و کوتلوی حبسلرله اوزلشه‌ن میللی فعاللار سون ایللرده فوتبول ایستادیونلارینی موباریزه میدانینا چئویریبلر.
آمریکا سسی
