دیل سئچین

تبریز ایطلاعات ایداره سینده محمد (اوختای) رشیدی نین سورقولانماسی دوام ائدیر

oxtay reshidi

اویان نیوزا اؤزل: آذربایجانلی مدنی فعال محمد (اوختای) رشیدی نین توتوقلانماسیندان ۴۰ گون کئچمه سینه باخمایاراق تبریز ایطلاعات ایداره سینده ساخلانیلیر.

اویان نیوز موخبیرینین وئردیقی خبره گؤره، آذربایجانلی کولتورل و مدنی فعال اوختای رشیدی نین توتوقلانماسیندان ۴۰ گون کئچمه سینه باخمایاراق تبریز ایطلاعات ایداره سینده سورقولاما آلتیندا ساخلانیلیر. بو آذربایجان آکتیویستین گؤز آلتینا آلینماسی دوام ائتدیکجه کیچیک قارداشینین سالیق دورومو پیسله شیر. بو آذربایجانلی مدنی فعالین یاخین لارینین دئدیکلرینه گؤره محمد (اوختای) ین گؤز آلتینا آلینماسیندان قاباق ساغلیغی یاخشی لاشان اوختای ین کیچک قارداشی اور ه ک خسته لییندن آغری چکیر و مامورلارین ائوه هوجوم ائتمه سیندن سونرا عصبی لشیب و ساغلیق دورومو پیسله شیر.

خاطیرلاتیلمالی دیر کی سون زامانلار آذربایجانین بؤلگه سل رسانه لری و بیر سیرا ایطلاعات قووه لرینه باغلی اولان رسانه لر آذربایجانلی بو مدنی فعالا ایتیهام ووراراق عمومی اورتاملاردا اونون ایماژینی زده له ییب پوزماغا چالیشمیشدیلار. عدالت و محکمه مسئوللاری رسمی اولاراق محمد (اوختای) ین گؤزآلتینا آلینما سببی و ایتتیهاملارینی آچیقلامایاراق بو مدنی فعالا بو ایتیهام لار وورولموشدو!!!

آرتیریلمالیدیر کی محمد (اوختای) رشیدی چرشنبه آخشامی ۱۳۹۲ فروردینین ۱۰_و خالیده خالید و اونون کومکچی سی شاماخ ایکی آذربایجان وطنداشی، عیسی قاراخانلی؛ فرهادی بی و امیر هادیان ایله بیرلیکده آناسینین دوغوم گونو موناسیبتی ایله همده آنالار گونو اولدوغو اوچون بیر آرایا گلمیشدیلر کی امنیت مامورلارینین هوجومو نتیجه سینده توتوقلانیب، تبریز ایطلاعات ایداره سینه اینتیقال وئریلدی لر.

    “اویان نیوز”و قایناق گؤستره رک بو خبر پایلاشیمیندا بیر معذرت یوخدور.

یوروم یازین

Back to Top