اویان نیوز: بو گون ۸۰ مین نفردن چوخ ایستادیومدا یاخیندان بو اویون ایزلمه‌سی گؤزلنیلیر
تبریز تراختور تیمی سهند ایستادیومون سعودی عربیستانین الشباب تیمی ایله صاباح قارشی قارشییا گله‌جک.
بو گون ۸۰ مین نفردن چوخ ایستادیومدا یاخیندان بو اویونو ایزلمه‌سی گؤزلنیلیر.
سهند ایستادیوموندا تبریز تراختور تیمی صاباح ۱۳۹۲ ایلینین فروردین آیینین ۲۱ی ساعات ۲۰ده سعودی عربیستانین الشباب تیمینه قارشی مباریزه ائده جک.
“کوولانکو والئنتین” داور، “ایساو رافائل” و “سعید کاسیموو مامور” داور گؤمکچیلری اولاراق بو مسابقه‌ده داورلیک ائده‌جک‌لر. بو داورلرین اوچو ده اؤزبکیستانلیدیلار.
سناویرا آرچچیلج سریلانکادان اویونون گؤزتیجی و آسیمو عزیز ده دؤردونجو داور اولا‌جاق.
تبریز تراختور باشگاهی اویونا گلنلره یئمک و دیگر سرویسلری وئرمک اوچون ۴ غرفه مستقر ائدیب.
مهر خبر آژانسینین خبرینه گؤره تبریز تراختور باشگاهی تراختور- الشباب اویونوندا طرفدار تاماشاچیلادان ۱۰۰ نفرینه ده اؤدول/جایزه وئرمه نیتینده‌دیر.
تبریز تراکتور تیمی ایله سعودی عربیستانین الشباب تیمی آراسینداکی بیرنجی اویون عربیستاندا ۱-۰ الشباب لهینه سونا چاتمیشدی.
بورا قدر الشباب ۷ امتیاز ایله ایله جدولین باشیندا یئر الیر.
تراکتور ۴ امتیاز ایله ایکینجی سیرادا یئر ائدیر.
الجیش ۴ امتیاز لا اوچونجو و الجزایر ۱ امتیاز ایله دؤردونجو سیرالاردا یئر توتماقدادیرلار.
تبریز تراکتور تیمینین طرفدارلاری چوخلو تبلیغات کامپانیا‌لاری ایله بو گون سهند ایستادیومونو میللتله دولورمانی هدفلیرلر.
میللت بو سحرین ارکن ساعات‌لاردان بؤیوک هیجان و یوکسک روحیه ایله تراختور تیمینینن قیرمیزی بایراق‌لارینی آلاراق ایستادیوما گئتمک اوچون حاضیرلانیرلار.
بو گون ۸۰ مین نفردن چوخ یاخیندان بو اویون ایزلمه‌سی گؤزلنیلیر.
ت رت
