دیل سئچین

تراختور، نفتی یاندیردی!

اؤنملی اودقو !!

اون ایکینجی دووره-ییرمی سککیزینجی هفته

تراختور-نفت تهران

کئچمیش اویون:۱-۱برابر

 تماشاچی سایی سی:۱۵مین نفر

ایستادیوم: یادیگار ایمام

مئیدان حاکیمی:محسن قهرمانی

تراختور: مهدی ثابتی- مصطفی اکرامی- مرتضی اسدی- محمد نصرتی- محمد ایرانپوریان- مهدی کیانی- مهدی کریمیان- فلاویو لوپز- محمد ابراهیمی- جواد کاظمیان- سیدمهدی سیدصالحی

 نفت تئهران: حامد فلاح‌زاده- وریا غفوری- بهمن کامل- احمد آل‌نعمه- وحید حمدی‌نژاد- میثم حسینی- یعقوب کریمی- امین منوچهری- محمد منصوری- علیرضا عزتی- محمدحسین مهرآزما

 اویون آچیقلاماسی:

“تراختور” و”نفت تئهران “،هرایکی سی جدولین یوخاری یئرلیرنده یئرله شن تیم لردن اولاراق ؛اویونو احتیاط و دیققت له باشلادیلار.

“اولیویرا” و”ابراهیم زاده ” ،بو یاریشی ،بیر حساس ایله ۶ایمتیازی لی اویون سایاراق،اویونون هر آنی نا پیلان تؤکمک له بیر قانیت لی(منطق لی) باشلانیش ایله اویونو ایره لی آپاریردیلار؛بو احتیاطلی اویونون ایلک ۱۵ دقیقه سین ،سونوجو یالنیز ایکی یاریمچیلیق گل دورمو ایدیر.

بیرینجی گل موقعیتی، “یعقوب کریمی” نین آیاق ضربه سی دیر ؛ایکنجی یاریمچیلیق گل دورمو “سید صالحی”ین گوجسوز باش ضربه سی  دیر کی، توپ،”نفت ین “گلرین (دروازه بان)قوجاغیندا یئرله شدی.

“یعقوب کریمی” ۲۲ ینجی دقیقه ده؛ بیر۳۰ -۴۰مئتیرلیک قاچیش ایله “ثابتی ” له اوز به اوز اولدو،اما “نصرتی” سون آندا،توپو کورنره یوللادی.

اویون کئچدیکجه ،”تراختور” اویونو اله آلاراق ۳۳نجو دقیقه ده “محمد ابراهیمی” ۶مئتیر ایچینه گیردی، اما دوزگون آیاق وورمادان توپ بوشا گئتدی.

بیر دقیقه سونرا “محمد ابراهیمی”،گل پاسی وئردی؛“سید صالحی” بو سانتر پاسین، جاوابین ،بیر باش ضربه سیله وئردی و بئله لیک له “تراختور “بیرینجی گل ون ،آتدی.

بیرینجی گل دان ،ایکی دقیقه کئچمه دن،“کاظمیان” نفتین گللرین سهوینه قوللاندی وتراختورون ایکینجی گل ون، سونوجا یئتیر دی.

“نفت”، بیر دقیقه سونرا”تراختورون”، ایکی گل ونون، ائتگی سینده ،گل لارین، ایکی سیندن بیریسین جاوابین علیرضا غزت “ین باش ضربه سی ایله وئردی.

 ”نفت” ین گل وندان سونرا، ایلک یارینین سونونادک اویون ،یاواش گئدیشینه داوام وئردی.

ایکینجی یاری

ایکینجی یاری،یاغیش ایله باشلادی،ایکینجی یاری دا ،اویون اورتالاما سطحدی دیر،”تراختور” ایکی گولونا  راضیلاشمیشدی ؛اما هر ایکی تیم زهرلی حمله لر له اویونا داوام وئریردیلر؛”یعقوب کریمی” و “آل نعمه “نین اوزاقدان ورولان شوت لری ده ،سونوجون دگیشمه سینده ایز بوراخمادیلار،البته”آل نعمه” نین گوجلو شوتو “تراختورون” تورونا یاپیشدی؛ اما حاکیم ،بو گلو آفساید چالدی!بو اولاین ائتگیسینده، “نفت” ین اویونچولاری اعتیراض ائت مه یه باشلادیلار.

بئله لیک له،”نفت تهران” ۱۰ اویون اودوزمادان؛اون بیرینجی اویونون اودقو ایله بیتیره بیلمه دی و“تراختور “بیر اؤنملی اودقو قازاندی.

 دگیشدیرمه لر

-”گیلسون سووارز”،۸۶ینجی دقیقه ده ،”سید صالحی” ین ،یئرینه مئیدانا گیردی

-”مسعود ابراهیم زاده”،۹۰ینجی دقیقه ده،”فلاویولوپزین” یئرنه مئیدانا گیردی

تبریز،دیلک لر شهری – http://moderntabriz.blogfa.com

یوروم یازین

Back to Top