تهرانداکی ائرمنی‌لر 24 آپرئل تاریخینده آکسیا کئچیرمک اوچون حاضیرلاشیرلار

ermeny-copy

اویان‌نیوز اختصاصی : تهراندا یاشایان ائرمنی‌لردن بیر قروپ، نئچه گون اؤنجه‌دن باشلایا‌راق تئهراندا آکسیا کئچیرمه‌یه چاغیریش مقصدلی ورقه‌لر و پلاکات‌لار یایماقلا حاضرلیق کئچیریرلر.
اویان‌نیوزون آلدیغی خبرلره گؤره بیر قروپ ائرمنی، یئنی گونش ایلی‌نین ایلک گونلریندن باشلایا‌راق(نووروزون ایلک گونلرین‌دن باشلایا‌راق) آکسیایا دعوت اوچون ورقه‌لر یاییرلار. بو ورقه‌لر ۲۴ آپرئل، قوندارما ائرمنی سویقیریمی موناسیبتی ایله آکسیا کئچیرمه‌یه حاضیرلیق اوچون یاییلیر. اؤتن ایللرده بیر قروپ ائرمنی‌، قوندارما ائرمنی سوی‌قیریمی‌نی بهانه ائده‌رک، موسلمان‌لار بؤلگه‌سینده ائرمنی‌لرین سوی‌قیریمی‌نی ایددیعا ائدیب، آکسیا کئچیریب، تورک‌لره قارشی شوعارلار سسلندیرمیشدیلر.
بو آکسیا‌لاردا تورکییه دؤولتی، آذربایجان دؤولتی و ائله‌جه ده آذربایجان تورک میللتی علیه‌ینه شوعارلار سسلندیریلیر. اؤتن ایللرده سسلندیریلن شوعارلاردان بونلاری سؤیله‌مک اولار: “اؤلوم اولسون تورکه، اؤلوم اولسون تورکیه‌یه، غربی ائرمنیستان آزاد اولما‌لیدیر”.
آرتیرمالیییق، بو آکسیا‌لار بیر چوخ حاللاردا ایران داخیلی ایشلر ناظیرلیگی‌نین ایذنی و ایران پولیسی‌نین حمایه‌سی ایله کئچیریلیر. بئله کی، داها اؤنجه آذربایجان میللی فعال‌لاری‌نین بو مسئله‌یه اعتراض ائتدیکلری اوچون بیر سیرا میللی فعال‌لار، ایران امنییت سئرویس‌لری‌نین مامورلاری طرفیندن توتوقلانیب، دیندیریلمیشدی.

یوروم یازین

Back to Top