دیل سئچین

"تهران دروازاسین" اکسیک لیقلاری!

اویان نیوز: ”دروازه تهران” خیاوانی،شهرین دوغوسوندا یئرله شه رک؛تبریزین یوخاری بؤلگه سین،آنایولو ساییلیر.بو خیاوان، ایللر بویو،تبریزین دوغو گیریشین ، تکجه یولو اولاراق،چوخلو سفرنامه لرده، بو یولون تهر توشونا ایشاره اولونوب!دوغروسو بو خیاوان،تبریزین آبروسو ساییلیر!

 تهران دروازاسی،موسافرلردن علاوه چوخلو شهرداشلاریمیزین گئت گل ،یولو دور؛”آزاد” و “تبریز”بیلیم یوردو لاری و”آبرسان “دؤردیولونون یاخین لیغیندا یئرلش مه یه، بو خیاوانین اؤنملی یینه آرتیب!بو یولون آردیندا،آسیلی کؤرپو(کابلی)،”سینا “و”سپهر” گؤی دله ن لرین تیکیلمه یی ،”دروازا تهران” خیاوانین اؤنملی یین گؤسته ریر!

 بو خیاوان، چوخلو یاشیل ساحه یه صاحیب اولماقلا تاسوفله یئنه ده ،تبریزین چیرکین گؤرونتو ،خیاوان لاریندان ساییلیر ! چیرکین گؤرونتو،گاراژلار ،میکانیکی وصافکار دوکان لار ایله یولچو ترمینال لارین اولماغیندان آسیلی دیر!

 خیاوانین ،ائن سیزلیگی و”بی ار تی” میله لرین اولماغی ،بو آنایولون قیفیللانماسینا باعیث اولوب!

بو اکسیک لیقلاری دئمک دن ؛ایسته ییمیز بودور ؛حورمتلی “بلدیه باشخانی”، بو آنا یولون دوزنلیلمه سینه یئترلی ایله کسگین ایش لر گؤرسون لر!و بئله لیک له ،قوجامان تبریزین، اوزوندن، چیرکین گؤرونتولرین پوزولماغینا چالیشالار

تبریز،دیلک لر شهری

یوروم یازین

Back to Top