اویان نیوز: تورکسوی، بوتون تورک دونیاسی‌نین اورتاق بایرامی اولان نووروزلا ایلگیلی تدبیرلر دیزی‌سی حاضرلادی.
بو ایل تورکیه ایله یاناشی، اینگیلتره‌ده ده نووروز شن‌لیک‌لری گئچیریله‌جک. شن‌لیک‌لرده آذربایجان، قازاقیستان، قیرقیزیستان، اؤزبکیستان، تورکیه، آلتای، باشقوردیستان، قاقاوز یئری، خاکاسیا، تاتاریستان، تووا، کیریم، کرکوک و دوغو تورکیستان اویغور بؤلگه‌سینی تمثیل ائدن ۲۵۰-یه یاخین صنعتچی ایشتیراک ائده‌جک. شن‌لیک‌لر مارسین ۲۶سیندا کمبریج اونیورسیته‌سینده، مارتین ۲۷سینده ایسه تاریخی وئست‌مینستر سنترال هال‌دا گئچیریله‌جک.
تورکیه‌ده تورکسوی‌ون قورولماسی‌نین ۲۰.جی ایل‌دؤنومو موناسیبتیله ۲۰ کونسرت تشکیل ائدیله‌جک. بایرام اودو مارسین ۱۷سینده ایستانبولدا یان‌دیریلا‌جاق. اسکی‌شهر، آنکارا، مانیسا، یوزقات، چانکیری، کاستامونو، آماسیا، دنیزلی، دوه‌لی، بالیکسیر، تالاس، کارامان، قهرمان‌ماراش و نئوشهیرده گئچیریله‌جک شن‌لیک‌لر مارسین ۳۰-دا آدانا‌داکی قاپانیش کونسرتیله باشا چاتا‌جاق.
ت رت
