دیل سئچین

تورکلر و یونانلار عرقچیلیغا اعتراض ائتدی

اویان نیوز: تورک‌لرین قالابالیق اولا‌راق یاشادیغی ایسکچه‌ده، تورک‌لر و یونان‌لار، توپلاناراق عرقچی‌لیغا اعتراض ائتدی

یونانیستاندا، قیزیل شفق پارتیسی‌نین مجلیسه گیرمه‌سین‌دن سونرا عرقچی‌لیق آرتماغا باشلادی.

تورک‌لرین قالابالیق اولا‌راق یاشادیغی ایسکچه‌ده، تورک‌لر و یونان‌لار، توپلاناراق عرقچی‌لیغا اعتراض ائتدی. گؤستریچی‌لر، عرقچیلیغین هر کسه ضرر وئردیگینی وورغولادی. میللت وکیلی آی‌حان قارایوسوف، “تراکیادا یاشایان ایکی عنصر وار. خریستیان‌لار و مسلمان‌لار یا دا روم‌لار و تورک‌لر. بیرلیکده بؤلگه‌ده میدانا گله‌جک هر هانسی بیر عرقچی شدت اولایینا دور! دئمک اوچون بورادا توپلاندیق” دئدی.

کینه و آیریلیغا قارشی بؤیوک بیر “یوخ!” دئدیک‌لرینی وورغولایان گؤستریچی‌لر، بؤلگه‌ده بیرلیکده و اویوم ایچینده، استقرار و دوزه‌ن ایچینده دموکراتیک بیر حیات اوچون چابالادیق‌لارینی سؤیله‌دی. بؤلگه‌ده شدتین، عرقچیلیغین، بؤلونمه‌نین، خوش‌گؤروسوزلویون یئری اولمادیغی‌نی وورغولایان گؤستریچی‌لر، ائیله‌مین ایکی عنصرو ده بیر آرایا گتیرن باریش و دینج‌لیک یوروشو اولدوغونا وورغو ائتدی. اولای‌سیز گئچن یورویوش‌ده، قیزیل شفق پارتیسینه و عرقچی‌لیغا قارشی اعتراض شعارلاری وئریلدی.

ت رت

یوروم یازین

Back to Top