تورکيه‌ده محمد امین رسولزاده نین کيتابي يايينلاندي

M. E. Resulzade

محمد امین رسولزاده نین ۱۳۰-نجو دوغوم ایلدؤنومو خاطیره‌سینه حاضیرلانان بو کیتاب، ۲۸ مای ایستیقلال بایرامی موناسیبتی ایله نشر ائدیلمیشدیر.
کیتابین اؤن سؤزونون مؤللیفی پروفسور جمیل حسنلی دیر. اؤن سؤزده، رسولزاده نین یاشادیغی سیاسی موحیط و اونون فعالیتلری حاقیندا گئنیش بیلگی وئریلمیشدیر. کیتابین یازیلارینی سئچیب تورکیه تورکجه‌سینده چئویرن، تورکیه‌ده موهاجیرت حیاتی یاشایان گونئی آذربایجانلی آراشدیرماچی- یازار رامین جبارلی دیر.
کیتاب، رسولزاده نین ایکی اؤنملی ریساله‌سی و ۱۰ دیگر یازیسیندان عیبارتدیر. بو کیتابدا رسولزاده نین داها چوخ سوسیولوژیک و فلسفی یازیلاری یئر آلیبدیر. کیتابین آدی “ایختیلالچی سوسیالیزمین ایفلاسی” و “دئموکراسینین گله جه یی” آدلی ایکی ریساله‌نین آدینین بیرلشدیرمه‌سیدیر. بو ایکی ریساله “ایختیلالچی سوسیالیزمین ایفلاسی و دئموکراسینین گله‌جه یی” آدییلا ۱۹۲۸-نجی ایلده “میللی آذربایجان نشریاتی”نین ۸-جی ساییسیندا ایستانبولدا اورخانیه مطبعه سینده یایینلانمیشدی.
“اولوسال دایانیشما” ،”میللت اولماق عزمی” ،”میللتچیلیک- پاتریوتیسم” ،”اولوسال بیرلیک” ،”یانلیش تئریم قوللانمایالیم” ،میللت و قوم” ،”اولوسال اخلاق” ،”ایدئالیستلر، اوپورتونیستلر، بوزقونچولار” ،”دوغو ایسلام اویقارلیغیندا آذربایجانین رولو” ،”بیبلییوگرافیا؛ ریجال آذربایجان در عصر مشروطیت” آدلی یازیلار ایسه کیتابدا یئر آلان دیگر یازیلاردیر.
کیتاب ایستانبولدا دوغو نشریاتی طرفیندن یایینلانمیشدیر.

یوروم یازین

Back to Top