دیل سئچین

تورکیه‌ده ایتکین دوشه‌ن آمریکالی قادینین جسدی تاپیلیب

اویان نیوز:  تورکییه‌ده یانوارین ۲۱-دن ایتکین دوشه‌ن آمریکالی سارا سیئررانین ایستانبول‌دا جسه‌دی تاپیلیب.

تورکیه مطبوعاتینین وئردیی خبرلره گؤره ۳۳ یاش‌لی نیویورک‌لو سارا سیئررایانین جسدی ایستانبولون سارایبورنو حیسه‌سین‌ده آشکار ائدیب.  پولیس قادینین باشین‌دان یارالاندیغینی و اونون شخصیت وسیقه‌سینین اوستون‌ده اولدوغونو بیلدیریب.

آمئریکالی توریستون اؤلومونون سببی هله معین ائدیلمه‌ییب. پولیس قادینین باشقا بیر یئرده اؤلدورولوب سونرادان جسدین حادثه یئرین‌دن شهرین سارایبورنو حیسه‌سینه گتیریله بیلدیینی احتیمالینی ایر‌لی سوروب.

ایستانبول پولی‌سی سیئررانین تاپیلماسی اوچون خصوصی بیرلشمه یاراتمیش‌دیر. پولیس شهرده یئرلشدیریلمیش تهلوکه‌سیزلیک کامئرالاری واسطه‌سیله آپاریلمیش چکیلیشلره یئنی‌دن باخیلماسینی نظرده توتور. حادثه ایله علاقدار بیر نئچه شخص ایفاده وئریلمک اوچون پولیس منطقه‌سینه آپاریلیب.

سارا سیئررا عائله‌سی ایله سونونجو دفعه یانوارین ۲۱-ده ایتکین دوشدویو گون علاقه ساخلامیش‌دی. او، بیر گون سونرا بیرلشمیش ایشتاتلارا قاییتمالی ایدی. سارا سیئررا ایکی اوشاق آناسی ایدی. هوسکار فوتوقراف اولان سارا سیئررا تورکیه‌یه یانوارین ۷-ده سفر ائتمیش‌دی.

توریستلرین یوخا چیخماسی حاللارینین چوخ نادیر اولدوغو تورکییه‌ده آمریکالی قادینین ایتکین دوشمه‌سی ایجتیمایتین بؤیوک ماراغینا سبب اولموش‌دور.

 قایناق آمریکا سسی

یوروم یازین

Back to Top