دیل سئچین

تورکیه‌ده “بان” آدلی گونئی آذربایجان ادبیاتی درگیسی یایین‌لانا‌جاقدیر

اویان نیوز : چاغداش گونئی آذربایجان ادبیاتی ایله باغلی اولان بان درگی‌سی قارشیداکی گونلر تورکیه‌ده یایینلا‌جاق‌دیر. درگی‌نین یایین قورولوندان آلدیغیمیز بیلگی‌لره گؤره، ایلک سایی‌نین چاپ ایشلری گؤرولمکده‌دیر. بیر نئچه گون سونرا درگی اوخوجولارین اَلینه چاتا‌جاقدیر. بو درگی اوچ آیلیق درگی‌دیر. درگی‌نین بو ساییسی قیش فصیلی‌نین سایی‌سی اولا‌راق باسیلا‌جاق‌دیر.

درگی‌نین آساس آماجی گونئی آذربایجانداکی ادبیاتی تانیتماقدیر. درگی‌نین بو سایی‌سی تام اولا‌راق آذربایجان تورکجه‌سینده‌دیر. تورکییه‌ده رسمن قئیدیاتدان کئچیریلن بو درگی، عینی حالدا تورکییه اوخوجوسونون دا الینه چاتا بیله‌جک‌دیر. درگی‌نین قوزئی آذربایجان، آوروپا، کانادا و آمئریکا‌داکی آذربایجان درنک‌لرینه، ائله‌جه ده تورک اوخوجولارا چاتدیریلماسی دا پلانلاشدیریلمیش‌دیر.

بان درگی‌سینده تورکان اورمولو یازی ایشلری مودورو، توغرول آتابای ائدیتور و اؤیکو سوروملوسو، هادی قاراچای شئعیر سوروملوسو، رامین جبارلی ایسه مقاله‌لر سوروملوسو اولا‌راق چالیشماقدا‌دیرلار.

بو سایی‌نین قاپاق تاساریمی آتابای تیکان‌تپه‌لی، صحیفه تاساریمی ایسه تورال سیرداش طرفیندن حاضیرلانمیش‌دیر.

بان درگی‌سی‌نین ائلئکترونیک آدرئسی: Bandergisi@gmail.com
فیسبوک صحیفه‌سی: http://www.facebook.com/pages/BAN/491754924225449?fref=ts

Ban

یوروم یازین

Back to Top