دیل سئچین

تورکیه‌نین ایدماندا باشاری تابلوسو

اویان نیوز: تورکیه ایدماندا مدال ساییسینی ۱۰ ایلده ایکییه قاتلادی

گنج‌لیک و ایدمان باخانلیغی وئریلرینه گؤره، تورکیه‌نین دونیا و آوروپا شامپیونالاریندا ۲۰۰۲.جی ایلده توپلام مدال ساییسی ۲۷۷ ایکن، ۲۰۱۲.جی ایلده بو رقم تخمینا ۲ قات آرتا‌راق، ۵۳۹-آ یوکسلدی. تورکیه، دونیا شامپیونا‌لاریندا توپلامدا ۱۸۵، آوروپا شامپیونا‌لاریندا ایسه ۳۵۴ مدا‌ل قازاندی.

دونیا شامپیونا‌لارینا قاتیلان فدراسیون‌لار آراسیندا اونیورسیته ایدمان‌لاری، توپلامدا ۳۲ مدال ایله ایلک سیرادا یئر آلدی. اونیورسیته ایدمان‌لاری فدراسیونو ۷ قیزیل، ۹ گوموش و ۱۶ بورونج مدا‌لی موزه‌سینه داشیدی. کیک بوکس و گؤرمه انگللیلر فدراسیون‌لاری ایسه سیراسییلا توپلامدا ۲۳ و ۲۰ مداللا بو برانشی ایزله‌دی.

آوروپا شامپیونالاریندا ایسه ووشو فدراسیونو، توپلامدا الده ائتدیگی ۵۲ مدال ایله ۵۲ فدراسیون آراسیندا لیدئر اولدو.‌ ووشو فدراسیونو، ۹ قیزیل، ۲۳ گوموش و ۲۰ بورونج مدا‌لی تورکیه‌یه قازاندیردی. هالتر و گولش، ووشودان سونرا گلدی. توپلامدا هالتر ساحه‌سی ۴۶، گولش ایسه ۲۷ مدال ایله ایکینجی و اوچونجو سیرانی آلدی.

گنج‌لیک و ایدمان باخانلیغی‌نین ۵۲ فدراسیون آراسیندا ائتدیگی دگرلندیرمه‌ده، آتلتیزم ساحه‌سی، ۴۰۱ مداللا ایلک سیرانی آلدی.

آتلئتیزم، ۱۴۳ قیزیل، ۱۴۷ گوموش و ۱۱۱ بورونج مدالا چاتا‌راق، ایلک سیرایا یئرلشدی.

کاراته و گولش، آتلتیزمین آردیندان سیرالاندی. کاراته ۲۰۱۲.جی ایلده توپلامدا ۳۳۰، گولش ایسه ۲۲۲ مدالین صاحبی اولدو.

تورکیه، ۲۰۱۲.جی ایلده قاتیلدیغی ۷ آیری تورنیرده، توپلامدا ۲۱۵۹ مدال قازاندی. پارالمپیک اویون‌لاری، المپیک اویون‌لاری، آوروپا گنج‌لیک المپیک اویون‌لاری، دونیا شامپیوناسی، آوروپا شامپیوناسی، بالکان شامپیوناسی و اولوسلارآراسی تورنیرلرده، ۶۹۴ قیزیل، ۶۳۲ گوموش و ۸۳۳ بورونج مدال تورکیه‌یه گلدی.

تورکیه ان چوخ قیزیل مدا‌لی آتلتیزم برانشیندا قازاندی. آتلتیزم ۱۴۳ قیزیل مدال آلارکن، کاراته ۱۰۲ مدال ایله ایکینجی، گولش ایسه ۶۰ مداللا اوچونجو سیرادا یئر آلدی.

ت ر ت

یوروم یازین

Back to Top