دیل سئچین

تورکیه‌نین ایلک ان یوکسک "تامامیله پولاددان" گؤکده‌لنینی ایستانبولدا تیکدی

اویان نیوز: آوجیلارداکی ۳۰ مرتبه‌لی بینا ۲ ایللیک تیکینتی پروسه‌سی‌نین آردیندان دسامبر آییندا اوتل اولا‌راق خیدمته گیردی

تیکینتی مهندیسی ندرت اوغان؛ تورکیه‌نین ایلک، آوروپانین ایسه ان یوکسک “تامامیله پولاددان” گؤکده‌لنینی ایستانبولدا تیکدی.

اوتل صاحبی، ندرت اوغانین بینانی ائدرکن تک مقصدی، “زلزه‌له‌یه دایانیق‌لی نومونه یوکسک بیر قورولوش” تیکمک اولموش. بو سببله هر جور خرجه دؤزموش.

اونا ایلهام وئرن شئی ایسه؛ ۱۹۹۲. ایلده ژاپونیادا بیر اوتل اوتاغیندا زلزه‌له‌یه توتولماسی و ایچینده اولدوغو چوخ قاتلی بینانین هئچ زیان گؤرمه‌دیگینی شاهید اولماسی.

او آن؛ بنزر بیر بینانی تورکیه‌ده ائتمه‌یه قرار وئردی و بو خیالینی تام ۲۰ ایل سونرا رئاللاشدیردی.

چلیک بینا‌لار، دمیر-بتون یاپیلارا نیسبتن چوخ داها یونگول اولور. بو دا زلزه‌له‌یه قارشی داواملی‌لیغی آرتیریر.

ندرت بئیین مسئوللاردان ایستیی، پولاد بینا‌لارین تشویق ائدیلمه‌سی.

اوغان: “طبیعی کی بیز چتین‌لیک چکدیم کیفیت‌لی پولادی تاپماق اوچون. دولتین بونا اؤن آیاق اولماسی لازیم، دولتین چوخ بؤیوک پولاد فابریکلری وار. چوخ راحتلیقلا بو پولادی بورادا اوره‌ته بیلرلر” دئیه دانیشدی.

دیگر طرفدن بینادا یانغین احتیمالینا قارشی دا تدبیر آلینمیش.

چلیک کونستروکسیاسی یانغینا قارشی قوروماق اوچون ۹۰۰ درجه‌یه دایانیق‌لی خصوصی بویا ایستیفاده ائدیلمیش. وارداتی وسایل ایستیفاده ائدیلن بینا، دمیر-بئتون بنزرلرینه گؤره یوزده ۸۰ باها اولموش.

اوتل، آوروپا چلیک درنیی‌نین بو ایلکی نومونه پروژه یاریشماسیندا تورکیه‌نی تمثیل ائده‌جک.

چلیک وسایتین گؤرونوشو چوخ اؤیرشیلمیش اولماسا دا موشتریلرده اینام حیسی دوغورور.

 قایناق ت ر ت

یوروم یازین

Back to Top