دیل سئچین

تورکیه : "ارمنی یالانلاری افشا اولور" آدلی بیر کنفرانس گئچیریله‌جک

ermeni yalanlari

اویان نیوز: بو کنفرانسلا بیرلیکده جیلولوق حادثه‌لری اولاراق بیلینن فاجعه آکادمیک سویه‌ده اینجه‌لنمیش اولاجاق.

اویان نیوز’ون TRT تورکی دن آلدیغی معلوماتا گؤره، تورک دونیاسی گنجلری دوستلوق و دایانیشما درنگی طرفیندن تورکیه‌نین بوردور شهری محمد عاکیف ارسوی اونیورسیته‌سینده “ارمنی یالانلاری افشا اولور” آدلی ۴ گونلوک بیر کنفرانس گئچیریله‌جک. بو کنفرانس مهر آیی‌نین اونونجو و اون دؤردونجو گونلری آراسیندا گرچکلشه‌جک.

۱۹۱۵ – ۱۹۲۰ ایللری آراسیندا آسوری-ارمنی چته‌لری طرفیندن بؤلگه‌ده تؤردیلن جینایت و توپلو قیییملار بوگونه قدر گرکلی شکیلده اینجه‌لنمه‌میشدیر. اؤزللیک‌له‌ ده اورمیه، سالماس و خوی شهرلرینده یاشایان تورکلر بو توپلو‌قیییما چوخ ساییدا قوربان وئرمیشدیر. بو کنفرانسلا بیرلیکده جیلولوق حادثه‌لری اولاراق بیلینن بو فاجعه آکادمیک سویه‌ده اینجه‌لنمیش اولاجاق.

کنفرانسا بیرچوخ اؤلکه‌دن آکادمیسین، آراشدیرماچی و مدنی هؤرگوت نماینده‌لرینین قاتیلماسی گؤزلنیر.

یوروم یازین

Back to Top