دیل سئچین

تورکیه اوسته‌نچیلری تورکمنیستاندا رکورد قیردی

اویان نیوز:  ۲۰۱۲.جی ایلده تورکیه مقاطعه‌چیلری تورکمنیستاندا ۴ میلیارد ۹۰۰ میلیون دو‌لارلیق ایش آلدی

تورکیه اوسته‌نچیلری/مقاطعه‌چیلری تورکمنیستاندا رکورد قیردی.

۲۰۱۲.جی ایلده تورکیه مقاطعه‌چیلری بو اؤلکه‌ده ۴ میلیارد ۹۰۰ میلیون دو‌لارلیق ایش آلدی. تورکیه مقاطعه‌چیلری، تورکمنیستانی یئنی‌دن اینشا ائدیر. بئله کی ۲۰۱۲.جی ایلده تورکیه مقاطعه‌چیلری ان چوخ ایشی تورکمنیستاندا آلدی.

تورک-تورکمن ایش کنشی‌ باشقانی صفا گؤم‌دنیز، “فیرما‌لاریمیزین ائتدیگی ایشلر، اثرلری، کیفیتی، ایشلری واختیندا تسلیم ائتمه‌لری دولاییسیلا تورکمن دؤولت باشقانی باشدا اولماق اوزره کابینه عضو‌لری ده تورکیه فیرما‌لارینی ترجیح ائدیرلر” دئدی. قارداش اؤلکه اولان تورکمنیستان ایله ایلیشکی‌لرین گلیشمه‌سی ده ایشلری اولوملو ائتکیله‌ییر. اؤنوموزدکی ایل تورکیه فیرما‌لاری‌نین هدفی داها بؤیوک. گؤم‌دنیز، “بو ایل ایمضا‌لانا‌جاق پروژه‌لرین بدلی‌نین ۷-۸ میلیارد دو‌لارا چاتماسینی گؤزلییریک” دئدی.

یاپیلان ایشلر تورکیه‌لی‌لر اوچون استخدام آلانی دا اولوشدورور. تورک ایش قورومو اوزرین‌دن تخمینا ۴ مین ۱۰۰ نفر تورکمنیستاندا ایش تاپدی.

 ت.ر.ت. تورکی

یوروم یازین

Back to Top