اویان نیوز: ارمنیستانا قارشی ۶-۱ اوستونلوک ساغلایان تورکیه، اوچونجولوک کوپاسینین صاحبی اولدو
تورکیه گرئکورومن/فرنگی گولش میللی تیمی، دونیا کوپاسیندا اوچونجو اولدو.
ایرانین باشکندی تهراندا تشکیل ائدیلن کوپا مسابقه‌لریندها تورکیه، ارمنیستان ایله اوچونجولوک اویونونا چیخدی. ۷۴ کیلودا شرف توفنک رقیبینی ۲-۱، ۵۵ کیلودا فاتیح اوچونجو، ۶۶ کیلودا آتاقان یوکسل، ۸۴ کیلودا سلچوق جئبی، ۹۶ کیلودا جنک ایلده و ۱۲۰ کیلودا رضا کایاآلپ دا رقیب‌لرینی ۲-۰لیق حساب‌لارلا مغلوب ائتدی. ۶۰ کیلودا مولود آریق ایسه چتین گئچن گولشین آردیندان ۲-۱ مغلوب اولدو.
ارمنیستانا قارشی ۶-۱ اوستونلوک تامین ائدن تورکیه، اوچونجولوک کوپاسینین صاحبی اولدو. گرئکورومنده دونیانین ان یاخشی ۱۰ تیمی‌نین قاتیلدیغی تورنوادا ارمنیستان دؤردونجو، قازاقیستان بئشینجی، گونئی کره آلتینجی، آذربایجان یئددینجی، بئلاروس سککیزینجی، ماجاریستان دوققوزونجو و بولقاریستان ایسه اونونجو اولدو. فینالیندا روسیا ایله ائو صاحبی ایران قارشی‌لاشدی. ایرانی ۵-۲ مغلوب ائدن روسیا، پودیومون بیرینجی‌لیک پیلله‌سینه چیخدی.
ت ر ت
