دیل سئچین

«تورکیه قطعی شکیل‌ده ایرانا قارشی حربی عملیاتا ایجازه وئرمه‌یه‌جک»

اویان نیوز: «ناتو-نون تورکییه-سورییا سرحدینه «پاتریوت» راکئتلری یئرلش‌دیرمه‌سین‌ده مقصد ایسرای‌لی قوروماق‌دیر».

«قافقازینفو» آپا-یا ایستینادن خبر وئریر کی، بونو ایرانین خاریجی ایشلر نازیرلیینین سؤزچوسو رامین مئهمانپرست «ال-مینار» تئلئکانالینا موصاحیبه‌سین‌ده بیلدیریب.

اونون سؤزلرینه گؤره، بیر مدت اول تورکییه‌یه سفری زامانی بو اؤلکه‌نین رس‌میلری ایله رئگیونال مسئله‌لری ده گؤروشوب: «رس‌می آنکارا تورکییه ایله سورییا آراسین‌دا حربی قارشی‌دورما چیخا بیلجیینه، بئله بیر سیستئمین ده دمشقین راکئت هوجومونا قارشی ایستیفاده ائدیلمه‌سی اوچون اؤلکه اراضی‌سینه یئرلشدیریلمه‌سی لازیم اولدوغونا اینانیرلار. آنجاق بیز حساب ائدیریک کی، قرب اؤلکه‌لری و ناتو ایسرایلین ایرانا قارشی حربی موداخیله ائتمه‌سی و تئهرانین دا بونا قارشی‌لیق وئرمه‌سی احتیمالینا گؤره «پاتریوت» راکئتلرینین تئل-اویوه دستک اولماسی اوچون سیستئ‌می تورکییه تورپاقلارینا یئرلشدیریر».

ر. مئهمانپرست علاوه ائدیب کی، تورکییه قطعی شکیل‌ده ایرانا قارشی هان‌سی‌سا بیر حربی عملیاتا قاتیلمایاجاق و اؤز هاوا ساحه‌سینین ده تئهران علیهینه ایستیفاده اولونماسینا ایجازه وئرمه‌یه‌جک: «آنجاق بونونلا بئله، ایران «پاتریوت» راکئتلرینه نظارت مئخانیزمینین تورکییه‌نین دئییل، ناتو-نون علین‌ده اولدوغونا و قرب اؤلکه‌لرینین ده بو سیستئمله باغلی ایداره‌چی‌لیگی تامامیله اؤز سلاهیتلرین‌ده ساخلادیقلارینا اینانیر».

قافقاز اینفو

یوروم یازین

Back to Top