دیل سئچین

تورکیه و آذربایجان تشببوسو ایله آذربایجان‌لی بلدیه باشقانلاری اوچون بیر سمینار تشکیل ائدیلدی

اویان نیوز: تخمینن ایکی هفته داوام ائده‌جک سمیناردا آذربایجان، بلدیه‌‌جی‌لیک موضوعسونداکی تجروبه‌لرینی آذربایجان‌لی‌لارلا پایلاشا‌جاق

تورکیه و اورتا شرق عامه ایداره‌سی اینستیتوتو و آذربایجان دولت ایدارچی‌لیک آکادئمیسی‌نین تشببوسو ایله آذربایجان‌لی بلدیه باشقانلاری اوچون بیر سمینار تشکیل ائدیلدی.

تخمینن ایکی هفته داوام ائده‌جک سمیناردا آذربایجان، بلدیه‌‌جی‌لیک موضوعسونداکی تجروبه‌لرینی آذربایجان‌لی‌لارلا پایلاشا‌جاق.

تورکیه و آذربایجان آراسینداکی علاقه‌لر گوندن-گونه قوّتلنیر و امکداش‌لیق ساحه‌لری‌نین سایسی آرتیر.

ایکی اؤلکه آراسینداکی بو امکداشلیق ساحه‌لرینه بلدیه‌‌جی‌لیک سکتورو ده علاوه اولوندو.

آذربایجانین پایتختی باکیدا “یئرلی ایدارچیلری‌نین گلیشمه‌سی” پروقرامی چرچیوه‌سینده “بلدیه‌‌جی‌لیک آنلاییشی و بو آنلاییشین گلیشمه‌سی” آدینی داشییان بیر تحصیل پروقرامی تشکیل ائدیلیر.

پروقراما، آذربایجانین بیر چوخ بؤلگه‌سیندن گلن بلدیه باشقانلاری ایشتیراک ائدیر.

کورس تخمینن ایکی هفته داوام ائده‌جک.

بو چرچیوه‌ده، تورکیه و اورتا شرق عامه ایداره‌سی اینستیتوتوندان گلن علم اینسان‌لاری معلومات و تجروبه‌لرینی آذربایجان‌لی بلدیه باشقانلاری پایلاشیر.

بو ایکی هفته‌لیک مدتده بلدیه باشقانلارینا مختلیف موضوعلاردا، اونسیت، اینسان قایناق‌لاری، یئنی‌لیک، مدنی دگیشمه، تشکیلاتی گلیشمه مسئله‌لرینی احاطه ائده‌جک شکیلده بیر پروقرام تشکیل ائدیلدی.

ت ر ت

یوروم یازین

Back to Top