دیل سئچین

جان کری شرق آسیا تورونا داوام ائدیر

اویان نیوز: کری پکن‌دن آیریلما‌دان اول قوزئی کوره‌نین نوکلئر مذاکیره‌لره راضی ائدیلمه‌سی و نوکلئر سیلاح‌لاردان تمیزلنیلمه‌سی موضوعسوندا چین‌له راضیلاشدیق‌لارینی آچیقلادی

آمریکا بیرلشیک دولتلری‌‌نین خاریجی ایشلر ناظیری جان کری، شرق آسیا تورونا داوام ائدیر.

چین‌لی همکاری ایله ده گؤروشن کری، سونرا ژاپونا کئچدی.

کری پکن‌دن آیریلما‌دان اول قوزئی کوره‌نین نوکلئر مذاکیره‌لره راضی ائدیلمه‌سی و نوکلئر سیلاح‌لاردان تمیزلنیلمه‌سی موضوعسوندا چین‌له راضیلاشدیق‌لارینی آچیقلادی.

گرگین‌لیکده قوزئی کوره‌دن یانا رفتار ائدن پکن رهبرلیگی، آمریکا بیرلشیک دولتلری‌نین ائتدیگی گوج نوماییشیله پیونگ یانگی چیغیرتدیغینی سؤیله‌میشدی.

کری، پکن‌دن سونرا ژاپونون پایتختی توکیودا گؤروشمه‌لره داوام ائدیر.

کری ایله گؤروشن ژاپون خاریجی ایشلر ناظیری فومیو کیشیا، قوزئی کوره‌نین نوکلئر سلاحینا صاحب اولماسینی قبول ائده بیلمه‌یه‌جک‌لرینی سؤیله‌دی.

کری، پیونگ یانگ رهبرلیگی‌نین یوکسلتدیگی گرگین‌لیگی آزالدماق اوچون آرد-آردا زیارت‌لر ائدرکن، قوزئی کوره ایسه اؤلکه‌نین قوروجوسو کیم ایل سونگون آد گونو اوچون تشکیل ائدیله‌جک اولان قوتلامالارا فوکوسلانمیش وضعیتده.

پیونگ یانگ رهبرلیگی‌نین قوتلامالاری چرچیوه‌سینده یئنی بیر موشک فیرلاتماسی‌نین بؤلگه‌دکی گرگینلیغی داها دا یوکسلتمه‌سیندن نیگرانلیق ائدیلیر.

بو آرادا، قوزئی کوره، گونئی کوره‌نین دیالوق تکلیفینی گئری چئویردی.

سئول رهبرلیگینی گوناهلاندیران قوزئی کوره، “اؤلگه‌میزی نئجه ایشغال ائده‌جک‌لری ایستیقامتینده نیظامی عملیات‌لار ائدیب، ایندی ده دیالوق چاغیریشیندا اولما‌لاری اوتانج وئریجی بیر حرکت.” آچیقلاماسینی وئردی.

 ت رت

یوروم یازین

Back to Top