دیل سئچین

جون کری تورکیه سفرینی دگرلندیردی

اویان نیوز: جون کری دونن ایستانبولدا تورکیه‌نین خاریجی ایشلر باخانی احمد داووداوغلو و باشباخان رجب طیب اردوغانلا گؤروشدو

آمریکا دیش ایشلری باخانی جون کری اورتادوغو، آوروپا و آسیانی قابسایان ۹ گونلوک سفرینه تورکیه‌دن باشلادی.

جون کری دونن ایستانبولدا تورکیه‌نین خاریجی ایشلر باخانی احمد داووداوغلو و باشباخان رجب طیب اردوغانلا گؤروشدو. هر ایکی گؤروشمه‌ده اساس یئری سوریه باشدا اولماقلا اورتادوغوداکی پروسس‌لر توتدو. خاریجی ایشلر باخانلاری‌نین اورتاق مطبوعات کنفرانسیندا اورتادوغوداکی باریش پروسسی چرچیوه‌سینده آتیلما‌لی اولان آددیم‌لارلا باغلی مذاکیره‌لر آپاریلدیغی بیلدیریلدی. داووداوغلو ان قیسا مدتده “سوریه دوست‌لاری” قروپونون دار چرچیوه‌لی توپلانتیسینی گئچیرمکله باغلی آنلاشدیق‌لارینی، بونون اوچون حاضرلیق‌لارا باشلایا‌جاق‌لارینی دئدی. احمد داووداوغ‌و تورکیه‌نین فلسطینله باغلی توتومونو دا کرییه چاتدیردیغینی بیلدیردی: “سایین محمود عباسلا قطرده گئچیردیگیمیز گؤروشمه حاقیندا بیلگی وئردیم. اومود ائدیریک کی، قارشی‌داکی دؤنم بویونجا فلسطین پروبلئمیله باغلی ایکی دؤولت‌لی چؤزوم مد‌لی اساسیندا، ۱۹۶۷.جی ایل سرحدلری چرچیوه‌سینده یئنی بیر پروسس باشلایار”.

بیر آی ایچری‌سینده ایکینجی دفعه تورکیه‌یه گلن کری ایسه تورکیه‌ده ترورو آرا‌دان قالدیریلماسی اوچون گؤستریلن سعی‌لره توخونوب: “تورکیه حکومتی‌نین چابالارینا حیرانیق و اونلاری تبریک ائدیریک. اونلار بؤیوک سعی گؤستردی‌لر. پ.ک.ک‌نین سیلاح بوراخما قرارینی اولوملو قارشیلاییریق. سایین باخان و من ترورلا مباریزه‌ده قرارلیییق. باریش پروسسی تورکیه‌نین ده، بؤلگه‌دکی دؤولت‌لرین ده حیاتینی دییش‌دیره‌بیلر “.

کری قونومداشییلا گؤروشدوکدن سونرا “دولماباغچا” سارایین‌داکی اوفیسده باشباخان اردوغان طرفین‌دن ده قبول ائدیلدی. گؤروشمه‌یه احمد داووداوغلو دا قاتیلدی.

ت رت

یوروم یازین

Back to Top