حیات بویو باشاری اؤدولو کوستا گاوراس‌ین

اویان نیوز: کوستا گاوراس: فیلم‌لر سایه‌سینده بیر بیریمیزی آنلایا‌بیلریک و باریشا بیر شانس وئره‌بیلریک

۳۲.جی ایستانبول فیلم فستیوا‌لی حیات بویو باشاری اؤدولو، اوستا یؤنه‌دمن کوستا گاوراسا وئریلدی.

ایتکین، زد، جنت باتیدا کیمی فیلم‌لرینده ائشیدسیزلیک، اینسان حاق‌لاری پوزونتولاری، فاشیزم کیمی ائورنسل پروبلئم‌لری اله آلان گاوراس، بو دفعه “کاپیتال” فیلمیله فینانس دونیاسی‌نین چیرک‌لی ایلیشکی‌لرینی و پازارلیق‌لارینی آغ پرده‌یه داشیییر.

سیاسی سینما تعقیبچیلری گاوراسین یئنی فیلمینی اوزون زامان‌دیر ماراقلا گؤزله‌ییردی. سالون یؤنه‌دمه‌نین ده گلمه‌سی سببیله دولو ایدی.

کوستا گاوراسا اؤدولونو، ایستانبول فیلم فستیوا‌لی دیرئکتورو عزیزه تان سوندو.

اوستا یؤنه‌دمن، خالق‌لارین بیر بیرینی تانیییب آنلاماسیندا سینمانین چوخ اؤنم‌لی بیر ایشله‌وی/فونکسیونو اولدوغونو سؤیله‌دی.

گاوراس بون‌لاری قئید ائتدی:

“بو فستیوال‌لاردا گؤردوگونوز فیلم‌لری باشقا زامان‌لاردا، باشقا یئرلرده گؤرمه شانسیمیز نه یازیق کی یوخ‌دور. مثلا، بیز فرانسادا تورکیه سینماسینی چوخ آز ایزله‌یه‌بیلیریک. حال‌بوکی بیزلر بیر بیریمیزی بو فیلم‌لر سایه‌سینده تانییابیلیریک. بو فیلم‌لر سایه‌سینده بیر بیریمیزی آنلایا‌بیلریک و باریشا بیر شانس وئره‌بیلریک. بونون اوچون دؤولتین سینمایا قاتقی‌سی چوخ اؤنم‌لی”.‌

ت رت

یوروم یازین

Back to Top