دیل سئچین

خامنه‌ای، احمدی‌نژادی اویاردی

اویان نیوز: بیر ارکین باشقانی‌نین، اثبات ائدیلممیش بیر ادعا‌دان دولایی دیگر ایکی ارکی سوچلاماسی شرعی حقوقا، یاسا‌لارا و خالقین حقوقونا ضیددیر” دئین خامنه‌ای، آد وئرمه‌دن پرزیدنت محمود احمدینژادی اویاردی

ایران دینی لیدئری آیت الله علی خامنه‌ای، خالقین دینج‌لیک ایستدیگینی ایفاده ائده‌رک سون سیاسی دارتیشمالاردان دولایی یئتکی‌لی‌لری اویاردی.

دینی لیدئرین رسمی اینترنت سایتیندا یئر آلان خبره گؤره، آیت الله خامنه‌ای، تبریزدن گلن هیات و وطنداش‌لارلا گؤروشمه‌سینده ائتدیگی دانیشمادا، اؤلکه‌ده سون دؤورده سیاسی گرگین‌لییه چئوریلن ارک‌لر/قوه‌لر آراسیندا یئتکی قوللانیمینا باغلی دارتیشمالارا توخوندو.

“بیر ارکین باشقانی‌نین، اثبات ائدیلممیش بیر ادعا‌دان دولایی دیگر ایکی ارکی سوچلاماسی شرعی حقوقا، یاسا‌لارا و خالقین حقوقونا ضیددیر” دئین خامنه‌ای، آد وئرمه‌دن پرزیدنت محمود احمدینژادی اویاردی. خامنه‌ای، مجلیس باشقانی علی لاریجانینین، احمدینژادین اتهام‌لاری قارشی‌سیندا اؤزونو ساوونماسینی دا “گرک‌سیز و حدین‌دن چوخ” اولا‌راق دگرلندیردی. مجلیسین گئن‌سورو/استیضاح ایله ایش، رفاه و تعاون باخانی عبدلرضا شیخ الاسلامی‌نی وظیفه‌دن آلماسینی دا یانلیش گؤره‌ن خامنه‌ای، گئن‌سورو سببی‌نین بیرباشا باخان ایله ایلگیلی بیر مؤوضو اولمادیغینا دقتی چئکدی.

آیت الله خامنه‌ای، “خالق دینج‌لیک، سوکونت و اخلاقا رعایت ائدیلمه‌سینی ایسته‌ییر. من، هله‌لیک نصیحت ائدیرم” ایفاده‌سینی ایستیفاده ائتدی. خالقین سون یاشانان‌لاردان دویدوغو راحاتسیزلیغین اؤزونو ده راحاتسیز ائتدیگینی ایفاده ائدن خامنه‌ای، بو گونکی نصیحت و سؤیلنمه‌لرینی، بیر بیری علیه‌ینه ایستیفاده ائتممه‌لری مؤوضوسوندا دا ایلگیلیلری اویاردی. یاساما، یئریدمه و یارقی ارک‌لری آراسیندا آچیق شکیلده ائدیلن دارتیشمالار اوزرینه سیویل تشکیلات‌لاری، سیاسی و دینی لیدئرلر بوتون طرف‌لری اویارمیشدی.

ت ر ت

یوروم یازین

Back to Top