دیل سئچین

دوز، سس‌سیز قاتیل

duz

اویان نیوز : – دوز آز اؤلچوده،بیزیم یئمک رژیمی‌میزده اولمالی دیر،اما بیزلر گئنل‌لیک‌له ۱۰ ایله ۲۰قات بدنیمیزه لازیم اولان اؤلچودن داها چوخ، دوز توکتیریک(مصرف)! البته گون بویوندا ،بو قات‌دا دوز میقداری‌نین توکتیمی،اوچ ده بیری، حاضیری قیدالارین(مواد غذایی) ایچینده گیزلی اولاراق بدنیمیزه یول تاپیر و یالینر دؤرد ده بیری سوفره باشیندا ویا یئمک بیشرمک دؤنمینده یئییمتی‌لره(خوراک) اک‌له‌نیر(افزودن)، دئمه‌لی‌دیر، دوزون یوخاری توکتیمی، اینسانین ساغلیغین، تحلوکه‌(خطر) ایله اوز اوزه ائده بیلر، بواوزدن؛ دوزن توکتیمی‌نی آزالدین. گونده‌لیک(روزانه) هر اینسانین بدنی‌نه، ۶گیرم دوز لازیم‌دیر.یوخاری قاتدا دوز توکتیمی؛ بیر سیرا خسته‌لیک‌لر وسورون‌لارین نده‌نی (علت)اولابیلر:

  • قان باسینجی(فشار خون) : دوزون چوخلو قاتدا توکتیمی،قان باسینجین آرتیشینا(افزایش) سب اولور؛قان باسینجی چوخالیرسا ،سکته و اورک سالدیرسی‌نین(حمله) ریسکینی چوخالدار. قان باسینج خسته لیگینین، تانیما یولو،باسینج اؤلچر(فشار سنج) دستگاهینا قوللانماق‌دیر،یاشلانما(پیری) ائتکی‌سینده(اثرینده)؛ قان باسینج خسته‌لیگینه توتولما اؤلچومو چوخالار.دوزون آز توکتیمی،یوکسک قان باسینجی همن آزالدار.
  • اورک سکته‌سی(سکته قلبی): دوز توکتیمین اؤلچومو،اورک سکته‌سین اوز وئرمه‌سی‌له ایلگی‌ده دیر؛دوز، قان باسینجین چوخالماسیندا، اثری اولدوغوندان علاوه،دوزون یوخاری اؤلچوده توکتیمی ، اورک سالدیری‌لاری ایله موستقیم ایلیشکی‌سی(ارتباط) وار!
  • سوموک اریمه‌سی(پوکی استخوان): دوز، کلسیومو ،سوموک‌دن آلیر و ادرار یولو ایله بدن‌دن چیخاردیر، بو اوزدن، سوموک‌لرین اوزلمه‌لرینه و اینجلنمه‌لری‌نه(نازک شدن) سبب اولور. آرتان یاش‌(سن) ایله سوموک‌لر راحتجادان قیریلابیلر! اؤزوزو، سوموک اریمه‌سی‌نین قارشی‌سیندا قوروماق ایسته‌ییرسیزسه؛ دوزون توکتیمی‌نی آزالتمالی‌سیز.
  • معده سرطانی و بؤرک خسته‌لیک‌لری:یوخاری قاتدا دوز توکتیمی؛ معده سرطانی‌نین اوز وئرمه‌سینده ائتکی‌لی اوینام(نقش) اویناییر،دوز توکتیمی‌نین آزالتماسی، معده سرطانی‌نین ریسکینی آزالدار.سون آراشدیرمالار،دوز توکتیمی ایله بؤرک خسته‌لیک‌لری‌نین بیربیرلرینه باغلی اولدوغونو گؤسته‌ریر.
  • آسم: آسم خسته‌لیگی‌نین آرتیشین(افزایش) ،بیر نده‌نی(علت) یوخاری قاتدا دوز توکتیمی دیر،یعنی،آسم خسته‌لیگینه مستعد اولورسازسا،دوزون توکتیمی بو خسته‌لیگین آرتیشینا یول آچا بیلر!

دوزون یوخاری قاتدا توکتیمی، بدن‌ده ارینتی‌لرین(مایعات) حبس اولماغینا سبب اولور ، بئله‌لیک‌له بدنین شیشمه‌سینه(اؤزلجه بارماق و آیاق توپوغو) یول آچار، بئلنچی بیر دورومدا، قادین‌لارین اوزوک‌لری، بارماق‌لارینا دار گلیر، دوز توکتیمی آزالتماق ایله بدن شیشیگی آزالار.

بیلیم سسی

یوروم یازین

Back to Top