اویان نیوز: دوموز گریپی، هیندیستان، روسیا، شرقی آوروپا و اورتادوغو اؤلکه‌لرینده سرعتله یاییلیر
۲۰۰۹.جو ایلده هر ۵ نفردن بیری‌نین خستلنمه‌سینه، ۲۰۰ مین نفرین اؤلمه‌سینه یول آچان دوموز آنفولانزاسی گئری دؤندو.
دوموز گریپی، هیندیستان، روسیا، شرقی آوروپا و اورتادوغو اؤلکه‌لرینده سرعتله یاییلیر. هیندیستاندا دوموز گریپین‌دن اؤلن‌لرین ساییسی‌نین سرعتله آرتماسی، یوزلرجه انسانین اؤزل باخیما قالدیریلماسی اوزرینه، خالق‌دان آشی/واکسن اولماسی ایسته‌ندی. روسیادا دوموز گریپین‌دن اؤلن‌لرین ساییسی ۲-یه چیخدی. موسکوا یاخین‌لاریندا ۸ یاشین‌داکی بیر اوشاغین دوموز گریپین‌دن اؤلدوگو دقیق‌لشدی. اؤلو ساییسی‌نین ۱۲-یه چیخدیغی یونانیستاندا، هله ده ۱۵ نفر اؤزل باخیمدادیر. دوموز گریپی، اردن، تونس، اسلوواکیا و گورجوستاندا دا اؤلوم‌لره یول آچدی.
دوموز گریپی‌نین یانیندا، قوش گریپی ده اینسان ساغلیغینی تهدید ائدیر. قوش گریپی اولا‌راق بیلینن H5N1 ویروسو اوزون‌دن کامبوجادا ۷، میصیردا ۱ نفر حیاتینی ایتیردی. مکزیکا و آلمانیادا یوز مین‌لرجه تویوق تلف ائدیلدی.
دونیانی تهدید ائدن بیر باشقا گریپ نؤوعو دا سارس عائله‌سینه منسوب اولان کوروناویروس. سعودی عربیستان قایناق‌لی بو خسته‌لیک‌دن ایندییه قدر ۱۲ نفر اؤلدو. یاییلماسی چتین اولان بو ویروس نؤوعو، بولاشدیغی هر ۲ نفردن بیری‌نین اؤلومونه سبب اولور.
ت ر ت
