دیل سئچین

"دونیادا گئده‌رک سرمایه آرتیر "

sermaye

اویان نیوز: ۲۰۰۸-جی ایلده باش گؤسترن و تأثیرلری هله ده داوام ائدن قلوبال اقتصادی بحرانا باخمایا‌راق سون ایللرده دونیادا سرعتله سرمایه آرتدی.

اویان نیوزون TRT تورکی دن آلدیغی معلوماتا گؤره، مرکزی سوئیس‌ده اولان کرئدیت سویس-ین شیرکتی‌نین “قلوبال وارلیق راپورو”نا گؤره، سون اون ایلده دونیانین ثروتی یوزده ۶۸‌لیک بیر آرتیم گؤستره‌رک، ۲۴۱ تریلیون دو‌لارا یوکسلدی.

آمریکا بیرلشیک دولتلری‌نین قلوبال وارلیق آرتیمی‌نین یوزده ۷۲سینی تمثیل ائتدیگینی یازان راپورا گؤره ، دونیا سطحینده آدام باشینا دوشن وارلیق ۵۱ مین ۶۰۰ دولارکن، سوئیس‌ده بو رقم یاریم میلیون دو‌لاری کئچدی.

باشدا چین، تورکیه، برزیل، هیندیستان و جنوبی آفریقا جمهوریتی اولماق عذره اینکیشاف ائدن ایقتیصادلارین قاتقیلارییلا اؤنوموزدکی بئش ایل ایچینده قلوبال وارلیغین یوزده ۴۰ آرتیم گؤستره‌رک، ۳۳۴ تریلیون دو‌لارا چاتاجاغینی آچیقلایان راپور، بوتون اها‌لی‌نین داها دا سرمایه دار اولاجاغی اورتایا قویدو.

گله‌جک بئش ایل عرضینده اینکیشاف ائتمکده اولان اؤلکه‌لردکی سرمایه‌نین اینکیشاف ائتمیش اؤلکلردکین‌دن نیسبتله داها سرعت‌لی آرتیم گؤسترجگینی گؤسترن راپورا گؤره، چوخو اینکیشاف ائتمکده اولان اؤلکه‌لرده دو‌لار میلیونرلری‌نین سایسیندا یوزده ۵۰ آرتیم تامین ائدیله‌جک، بئله‌جه ۲۰۱۸ اعتباریله دونیا داخیلینده ۴۷ میلیون‌دان چوخ آدام دو‌لار میلیونری اولا‌جاق.

حاضیردا دونیا‌داکی جمعی ثروتین یوزده ۸۶سی‌نین یوزده ۱۰ ان سرمایه‌لی قروبون الینده اولدوغونو خاطیرلا‌دان راپوردا، اورتا و آلت گلیر قروپ‌لاری‌نین سرمایه دار اولاجاقلاری آنجاق سرمایه‌دار قروبون دونیانین ثروتینی نظارت ائتمه‌یه داوام ائده‌جگی بیلدیریلیر.

یوروم یازین

Back to Top