دیل سئچین

دونیالیق آنا دیلی گونو رشت بیلیم یوردوندا آنیلدی

اویان نیوز اختصاصی: اسفند آیینین ۲-سی دونیالیق آنا دیلی گونو موناسیبه تی ایله باغلی رشت بیلیم یوردوندا تورک اؤیرنجیلر آراسیندا بیر صحیفه لیک اؤه زل درگی یایلیبدیر. بو اؤزه ل پایلاشیمدا (۲۱ فورال) دونیالیق آنا دیلی گونونون آدلانما ندنلری ، تورک دیلین اؤزه للیکلری و دونیا دیللری آراسیندا دورومو هابئله آنا دیلی ایله ایلگیلی بیر نئچه شئعر قلمه وئریلمیشدیر.

همن بو گونده یاخلاشیق ۴۰ نفرلیک بیر اوتوروم دا کئچیریلمیشدیر.بو اوتورومدا رشت بیلیم یوردو اؤیرنجی لری ایراندا تورک میللتینه قارشی گئدن تبعیض لر ، تحقیر لر ، کولتوره ل، سیاسال و اجتماعی تضییق لر باره ده دانیشیب موباحیثه لر آپارمیشلار.اونلار تورکجه میزین رسمی و دولت سوییه سینه یوکسلمه لیشی و میللی اویانیشین داها گوجلنمه سی یوللارینی آراشدیریب، دیلیمیز تورکجه نی آسیمیلاسیون سیاسینه قارشی، قوروماسی اوچون داها آرتیق چالیشمالارینی سؤز قونوسو ائتمیشلر.
قئید ائتمه لییک کی نئچه ایل بوندان اؤنجه دن ، هر ایل ایسفند آیینین ۲-سینده آذربایجانین بوتون دانیشگاهلاریندا و شهرلرینده دونیالیق آنا دیلی گونو آنیلیر و تؤرنلر کئچیریلیر.

بو خبرین یایین حاققی اویان نیوز سیته سینیندیر وآنجاق قایناق وئررک یایینلانابیلیر

یوروم یازین

Back to Top