اویان نیوز: بیرلشمیش میللت‌لر تشکیلاتی ائییتیم بیلیم و مدنیت تشکیلاتی (یونسکو) تورکیه میللی کومیسیونو باشقانی اؤجال اوغوز، تورکیه‌دن بو ایل دیوان لغات تورک و کول‌تپه تابلت‌لرینین(یازی‌لی چاموردان لؤوحه‌لر) یونسکو دونیا بلله‌گینه آلینماسی اوچون باش ووراجاقلارینی آچیقلادی.
۱۰۷۲-۱۰۷۴ ایللرینده کاشغارلی ماحمود طرفین‌دن یازیلان و تورک دیلی‌نین عربجه سؤزلوگو اولان دیوان لغات تورک‌ون، دیلچی‌لر اوچون چوخ اؤنم‌لی اولدوغونو ایفاده ائدن اوغوز، “دیوان لغات تورک دئمک، تخمینا ۸۰ اؤلکه‌نی یاخین‌دان ماراقلان‌دیران بیر مدنی یادداش‌دان سؤز ائدیریک دئمک‌دیر”دئدی.
اوغوز، کاشغارلی ماحمودون، اثرینده چئکدیگی دونیا خریطه‌سییله توپوگرافی، خریطه بلله‌گی و مدنیتی باخیمین‌دان دا اؤنم داشیدیغینی وورغولایا‌راق، بئله داوام ائتدی: “کاشغارلی ماحمود، کاشغاردان بغدادا قدر او بؤلگه‌ده یئرله‌شیک تورک، عرب، فارس و دیگر ائتنیک مدنی قروپ‌لاری تانیییر، بونلارلا ایلگیلی بیلگی‌لر وئریر، دؤنمینین مدنی بیریکیمینی/تجروبه‌سینی و بلله‌گینی سؤزلوک آراچیلیغی ایله گونوموزه چاتدیریر. بو سبب‌دن دیوان لغات تورک دئمک قازاقیستان، اؤزبکیستان، اویغور اؤزارک بؤلگه‌سی، قیرقیزیستان، آذربایجان، تورکمنیستان، ایران، افغانیستان، تاجیکیستان کیمی اؤلکه‌لرین بوگونکو جغرافیالارییلا مراکشدن موریتانی‌یه، چاددان سودانا قدر کؤرفز اؤلکه‌لری داخیل تخمینا ۸۰ اؤلکه‌نی یاخین‌دان ماراقلان‌دیران بیر مدنی حافظه‌دن سؤز ائدیریک دئمک‌دیر.”
کایسری‌دکی کول‌تپه قازی‌لاریندا گون ایشیغینا چیخاریلان و چیوی یازیسییلا آسورجا یازیلان کول تپه تابلتلری ده دونیا بلله‌گینه گیرمه‌یه حاضرلانیر. اوغوز، آنادولودا تورک‌لردن اؤنجه‌کی سومرلردن هیتیتلرلره اسکی اویقارلیق‌لارین ایزلری‌نین یئر آلدیغی لؤوحه‌لرده، انسان‌لیق تاریخینی آیدینلاداجاق اؤنم‌لی بیلگی‌لر، آنلاشما‌لار، یازیشما‌لارین تاپیلدیغینی سؤیله‌دی.
اوغوز، هر ایکی فایلین دا یازیم ایشی‌نین داوام ائتدیگینی و ۳۱ مارسا قدر یونسکونون باش مرکزینه باش ووراجاقلارینی بیلدیردی.
قایناق: http://www.trtturki.com/trtworld/azt/newsDetail.aspx?HaberKodu=febac577-697f-4064-84ea-3b22566568a3
