دیل سئچین

دیوید کوهن تورکیه‌یه گلیر

اویان نیوز: آمریکا بیرلشمیش دؤولت‌لری‌نین خزانه باخانلیغین‌دان وئریلن آچیقلامادا، باخانلیغین تروریزم و مالی استخبارات‌دان مسئول مستشاری دیوید کوهنین عراق، ایسراییل، تورکیه و اینگیلتره‌یه گئده جگی ایفاده ائدیلدی

آمریکا بیرلشمیش دؤولت‌لری‌نین خزانه باخانلیغی مستشاری دیوید کوهن تورکیه‌یه گلیر.

کوهن، ترورون فینانسمانییلا مباریزه و اولوسلارآراسی یاپدیریم‌لار مؤوضوسوندا تورکیه‌نین ده آرالاریندا اولدوغو بعضی اؤلکه‌لرده گؤروش‌مه‌لری اولا‌جاق. آمریکا بیرلشمیش دؤولت‌لری‌نین خزانه باخانلیغین‌دان وئریلن آچیقلامادا، باخانلیغین تروریزم و مالی استخبارات‌دان مسئول مستشاری دیوید کوهنین عراق، ایسراییل، تورکیه و اینگیلتره‌ده دانیشیق‌لاردا اولاجاغی ایفاده ائدیلدی.

کوهن، ۱ مارسا قدر داوام ائده‌جک سفرینده، اوست سویه حکومت یئتکی‌لی‌لری و مالی سئکتورونون نماینده‌لری ایله بیر آرایا گله‌جک. گؤروشمه‌لرده، حکومت‌لری و اولوسلارآراسی مالی سیستمینی، القاعده‌نین فعالیت‌لری ایله ایلگی‌لی تهدیدلردن قوروماق اوچون آتیلا‌بیله‌جک آددیم‌لار موذاکیره اولونا‌جاق. آمریکا‌لی یئتکیلی آیریجا، ایران ایله سوریه‌ده‌کی اسد رژیمینه قارشی آلینان تحریم قرارلاری‌نین ایجراسی حاقیندا سیاست‌لری دگرلن‌دیره‌جک.

  ت ر ت

یوروم یازین

Back to Top