دیل سئچین

روسیا‌دان سوریه‌یه اویاری

اویان نیوز : روسیا خاریجی ایشلر باخانی سئرگی لاوروو، روس تلویزیونو “روسیا تودی”‌ه وئردیگی آچیقلامادا، ایلک دفعه سوریه رژیمینی کیمیاسال سلاح قونوسوندا آچیق شکیلده اویاردی.

لاوروو، سوریه‌نین مخالیف‌لرله ساواشدا “کیمیاسال سلاح” قوللانما احتیمالینی “سیاسی اینتیحار” اولا‌راق دگرلندیردی.

“سوریه‌نین کیمیایال سلاح قوللاناجاغینی سانمیرام” دئین روسیا خاریجی ایشلر باخانی سئرگی لاوروو، سوریه یؤنتیمی‌نین شدت اولای‌لاریندا کیمیاسال سلاح قوللانمایاجاغینی اؤزلرینه دفعه‌لرله چاتدیردیغینی دا ایفاده ائتدی. سوریه‌ده ۲۱ آیدیر داوام ائدن چاتیشما‌لاردا باتی اؤلکه‌لرینی ده سوچلایان روسیا خاریجی ایشلر باخانی لاوروو، باتی اؤلکه‌لرینی “یاخشی” و “پیس” تروریست آیریمی ائتمکله سوچلادی.‌ تورکیه-سوریه سرحدینه پاتریوت قونوشلاندیریلماسینی دا دگرلندیرن روسیا خاریجی ایشلر باخانی لاوروو، پاتریوت‌لارین آمریکانین ساوونما پروژه‌سی‌نین پارچاسی اولا‌بیله‌جگینی ادعا ائتدی.

روسیا خاریجی ایشلر ناظری لاوروو، بعضی اوزمانلارین سؤز قونوسو سیستمین سوریه‌دن گله‌جک تهدیده قارشی دئییل، داها فرق‌لی مقصدله تورکیه‌یه آپاریلدیغی دوشونجه‌سینده اولدوغونو خاطیرلاتدی.

عرب بیرلیگی سوریا اؤزل نماینده‌سی اخضر ابراهیمی ده بو گون دمشقده دؤولت باشقانی بشار اسدله بیر آرایا گلدی. ابراهیمینین اسده “روسیا-آمریکا اورتاق تکلیفی” نی چاتدیراجاغیق ایفاده ائدیلدی. تکلیفده اسدین ۲۰۱۴ ایلینه قدر گؤره‌‌و‌ده قالماسی دا وار.

http://www.trtturki.com

یوروم یازین

Back to Top