اویان نیوز: آتموسفردکی گول‌خانا گازی سالیمی یئنی بیر رکورد قیردی.
اویان نیوزون TRT تورکی دن آلدیغی معلوماتا گؤره، دونیا مئترولوژی هؤرگوتو، آتموسفردکی ایستی‌خانا گازی‌نین گئچن ایل ایقلیم دییشیک‌لیگینه یول آچا‌بیله‌جک سویه‌یه چاتدیغینی آچیقلادی. هؤرگوت، گول‌خانا گازینداکی رکورد آرتیشلا یاخینلاشان تهلوکه‌نی، “ایندی حرکته گئچمه‌لی‌ییک، عکس حالدا اوشاق‌لاریمیزین، تورون‌لاریمیزین و گله‌جک قوشاق‌لاریمیزین یارینلارینی تهلوکه‌یه آتاجاییق. زامان بیزیم له‌یمیزه ایشله‌میر” سؤزلریله آچیقلادی.
تشکیلاتین باش مودورو میشئل ژارو، ایللیک گول‌خانا گازی راپورویلا ایلگیلی بیر مطبوعات کنفرانسی تشکیل ائتدی. ژارو، ایستی‌خانا گازلاری‌نین ۱۹۹۰-۲۰۱۲ ایللرینده کوره‌سل ایستیلشمه‌یه ائتکیسی‌نین یوزده ۳۲ نیسبتینده آرتدیغینا ایشاره ائتدی، ۲۰۱۲ده یئنی بیر رکورد قیریلدیغینی ایفاده ائتدی.
راپوردا، کربن‌دی‌اوکسیدین آتموسفره ۲۰۱۱ و ۲۰۱۲.جی ایللرده سون اون ایلده‌کی اورتالاماسیندان داها چوخ سالیندیغی ایفاده ائدیلدی. راپورا گؤره، ایقلیم دییشیک‌لیگینه سبب اولان ایکینجی اؤنم‌لی گول‌خانا گازی متان و بو گازین سالیمی‌نین یوزده ۶۰ی یئنه انسان فعالیت‌لری سببین‌دن گرچکلشیر. راپوردا، آتموسفردکی متانین و اوچونجو اؤنم‌لی گول‌خانا گازی اولان نیتروز اوکسیدین ده ۲۰۱۲.جی ایلده رکورد سویه‌یه چاتدیغی بیلدیریلدی.
