دیل سئچین

سوریه‌ده‌کی چاتیشما‌لار لبنان سرحدینه سیچرادی

اویان نیوز: موخالیفلر، چیخان چاتیشما‌لاردا ۳ حزب الله‌ میلیتانی‌نین اؤلدورولدوگونو دؤردونون ده اسیر آلیندیغینی آچیقلادی

اؤزگور سوریه اوردوسو، وئردیک‌لری ۴۸ ساعت‌لیق مدتین آردین‌دان، حزب الله‌ین لبنان‌داکی موضع‌لرینی بومبالامایا باشلادی. موخالیفلر، چیخان چاتیشما‌لاردا ۳ حزب الله‌ میلیتانی‌نین اؤلدورولدوگونو دؤردونون ده اسیر آلیندیغینی آچیقلادی. موخالیف‌لر، حزب الله‌ین اسدین یانیندا ساواشمایا داوام ائتمه‌سی حالیندا، مرکزلرینی بومبالامایا داوام ائده‌جک‌لرینی بیلدیردی.

لبنان گئچمیش باش باخانی سعید حریری، حزب الله‌ین اسده بیرباشا حربی دستک وئرمه‌سینی تنقید ائتدی. حریری، “حزب الله‌ین اساس وظیفه‌سی، آرتیق ایسراییله قارشی مقاومت دئییل، اسد رژیمینی قورتارماق اولدو” دئدی. حزب الله‌ین لبنان تورپاقلاریندان‌ سوریه‌یه گئچه‌رک مخالیف‌لره هوجوم تشکیل ائتدیگینی سؤیله‌ین حریری، “حزب الله‌ین سوریه جبهه‌سینده نه ایشی وار؟ “دئیه سوروشدو.

اؤته یاندان، اسد رژیمی و مخالیف‌لر دمشقده میدانا گلن و ۶۱ نفرین اؤلدوگو پاتلامایلا ایلگیلی بیربیرینی سوچلاییر. اسد رژیمی مخالیف‌لری مسئول توتارکن، موخالیف‌لر ایسه هوجومو قینایا‌راق “اسد رهبرلیگی طرفین‌دن مخالیفتی پیس وضعیته سالماق اوچون ائدیلمیش چیرکین بیر هوجوم” آچیقلاماسینی وئردی.

ت ر ت

یوروم یازین

Back to Top