دیل سئچین

سورییا تییاره‌سی یاناجاقدول‌دورما منطقه‌سینی ووروب

اویان نیوز: سوریا موخالیفت فعاللارینین بیلدیردیینه گؤره، چرشنبه گونو حکومته مخصوص حربی تییاره‌لر دمشق یاخینلیغین‌دا یئرلشه‌ن یاناجاقدول‌دورما ایستان‌سییاسینی بومباردمان ائدیبلر. نتیجه‌ده یاناجاق نؤوبه‌سین‌ده گؤزله‌یه‌ن اونلارلا اینسان هلاک اولوب.

فعاللار بیل‌دیریرلر کی، بومباردمان عصیان‌چیلارین نظارتین‌ده اولان شرقی ملئیها قصبه‌سین‌ده باش وئریب. پارتلاییش بؤیوک یانغینا سبب اولوب و هاوانی قارا توستویه قرق ائدیب.

پارچالانمیش اینسان جسدلرینی گؤستره‌ن اؤزل ویدئو اینتئرنئت‌ده یئرلشدیریلیب.

سوریادا اینسانلار ساعتلارجا یاناجاقدول‌دورما منطقه‌لرین‌ده نؤوبه‌ده دورورلار. عصیان‌چیلار و بشار اسد حکومتی آراسین‌دا ایکی ایله یاخین داوام ائد‌ن محاربه اؤلکه‌ده یاناجاق قیت‌لیغینا گتیریب چیخاریب.

سورییا فللارینین بیلدیردیینه گؤره، اؤلکه‌نین شیمالین‌داکی ایدلیب آئروپورتو یاخینیغین‌دا حکومت قوه‌لری ایله عصیان‌چیلار آراسین‌دا قیزغین دؤیوشلر گئدیر. سون توققوشمالار رس‌میلرین حلب آئروپورتونون باغلانماسینا گؤستریش وئرمه‌لرین‌دن بیر گون سونرایا تصادف ائدیر.

باش قرارگاهی بریتانییادا یئرلشه‌ن سورییا اینسان حاقلاری موشاهی‌ده‌چیلری قروپو عصیان‌چیلارین تافتاناز حربی آئروپورتونا هوجوم ائتدیکلرینی بیلدیریب. قروپ دؤیوشلرده ایسلام‌چی میلیتانت دسته‌لرین ده ایشتیراک ائتدیینی دئییب.

ایکی ایله یاخین‌دیر موخالیفتین مونتزه‌م هوجوملارینا معروض قالان حکومت باش وئره‌نلری درهال تصدیقله‌مه‌ییب.

چرشنبه آخشامی حکومته مخصوص حربی تییاره‌لر حلب شهرین‌ده عصیان‌چیلارین نظارتین‌ده اولان بؤلگه‌لری بومباردمان ائدیبلر.

آنتی حکومت فعاللاری همچینین بیلدیریر کی، دمشقین دارایا قصبه‌سی سوریا دؤیوش تییاره‌لری طرفین‌دن بومبالانیب. سوریانین دؤولت مئدیاسی حکومت قوشونلارینین دارایادا «اونلارلا تئرروریست» اؤلدوردویونو خبر وئریر.

سوریادا عصیان‌چیلار پرئزیدئنت بشار ال-اس‌دی دئوریمه‌یه چالیشیرلار. فعاللار ۲۰۱۱-جی ایلین مارتین‌دا باشلامیش اعتراض آکسییالارین‌دان بری بوگوندک ۴۵،۰۰۰ آدامین اؤلدورولودیونو دئییرلر.

 

آمریکا سسی

یوروم یازین

Back to Top