دیل سئچین

سون دقیقه: تبریزده میللی مد‌نی فعاللارا قارشی توپلو توتوقلاما

اویان نیوز: اویان نیوز اختصاصی : ساعتلار اؤنجه ایران ین ایستیخبارات و گوو‌نلیک گؤرولیلری آذربایجان میللی مد‌نی فعاللارینی توپلو شکیلده توتوقلاییبلار.

اویان نیوز موخابیرینین وئردیی بیلگیلره گؤره بو گون یکشنبه ۶ ایسفند ۱۳۹۱ (بازار ۲۴ فئورال ۲۰۱۳ ) تبریز واختی ایله آخشام ساعت ۲۰:۳۰ دا ۴۰ نفردن چوخ ایستیخبارات و گوونلیک گؤرولیسی، تبریزین گولشهر بؤلگه‌سین‌ده اولان «یانار» چایخاناسینا باسقین دوزه‌نله‌یه‌رک آذربایجان میللی مده‌نی فعاللارینی توپلو شکیل‌ده توتوقلاییبلار. دوغرو قایناقلاردان بیزه گلن بیلگیلره گؤره، ایندییه دک توتوق‌لانانلارین ایچینده سالار توری، محمد امیری و علی سیرناک اولماق اوزره ۵۰ دن چوخ توتوقلونون اولدوغو وورغولانیر.

میللی مده‌نی فعاللار بونون کیمی توپلو توتوقلامالاری تراختورون آسیا اویونلارینین یاخینلاشماسی ایله ایلیشکیلندیریب، گوو‌نلیک گؤرولیلرینین قورخو و پولیسی آتموسفر یارادیب، آذربایجان‌لیلار طرفیندن احتیمالی بیر آیاقلانما و مد‌نی حرکتی بو یؤند‌مله کونترول ائتمه‌یه چالیشدیقلارینا اینانیرلار!

یوروم یازین

Back to Top