دیل سئچین

سون زامانلار مصرده قادینلارا باسقیلار خیلی آرتیب

اویان نیوز: مصرده قادینلارا قارشی آرتان زوراکیلیقلار یئرلی و بئینلخالق اینسان حاقلاری قروپلارینین قیناغینا توش گلیب. سون ایکی ایلده ایستر مصر اینقیلابی، ایسترسه ده حاضیرکی پرزیدنت محمد مورسییه قارشی اعتراضلاردا قادینلار بؤیوک رول اویناییب.

بو حادثه‌لر زامانی اونلار اؤن جبهه‌ده اولوبلار. لاکین سون زامانلار مصر قادینلارینا باسقیلار خیلی آرتیب.

کئچه‌ن آی یالنیز بیر گون‌ده تحریر میدانین‌دا ۱۹ قادینین حجوما معروض قالماسی خبری قادینلارا قارشی زوراکیلیقلارین آرتیق سیستئماتیک حال آلدیغینی گؤستریر.

بو ویدئودا قادینین بیر قروپ کیشی طرفین‌دن محاصره‌یه آلیندیغی، پالتارینین جیریلدیغی، دؤیولدویو و بیر حال‌دا ایسه اولگوجدن ده ایستیفاده ائدیلدیی نوماییش ائتدیریلیر.

قادینلار پرزیدنت‌دن گوناهلکارلارین قانون قارشی‌سینا چیخاریلماسی طلبی ایله یوروشلر کئچیریر.

سکسوال تجاووزلر مصرده گئنیش یاییلمیش بیر حال‌دیر. بو نؤو تضییقلر گون‌د‌لیک حیات‌دا بیر نورمایا چئوریلیب.

«هر دفعه کوچه‌یه چیخان‌دا یا کیمسه منی وورور، یا دا کیم‌سه منیم بد‌نیمه توخونور. اونلار نه دوشونورلر، بونو نه اوچون ائدیرلر؟» – دئیه، طلبه قیز بیلدیریر.

تحریر میدانین‌داکی تشکیلاتلانمیش حجوملار تکجه گندر برابرلیینین پوزولماسی دییل، هم ده سیاسی ماهیت داشیییر. اینسان حاقلاری مدافعه‌چی‌سی نهاد ابو الکومسان: «میدانی بوشالتماق اوچون تشکیلاتلانمیش قروپلار اولجه‌دن حاضیرلانمیش پلانا اساساً مولکی وطنداشلارا حجوملار ادیر، موخالیفته حده-قورخو گلن مئساژلار گؤندریرلر.»

فعاللار حکومتپرست نوماییشلرده بئله هوجوملارین قیده آلینمادیغینی دئییرلر. سیاسی تحلیل‌چی سید صادق بو تجروبنین اوزون تاریخچه‌سی اولدوغونو سؤیلییر.

«بو ائله بیر تفککوردور کی، حساب ائدیر کی، سکسوال تجاووزله قادینلاری سیاسی فعالیت‌دن چکین‌دیره بیلر. بئللیلکه ده، ایستر دلیل، ایسترسه حجومچونون چکیلدیی ویدئو یازینی گؤستر، حبس ائدیله‌ن اولمور.»

هرچند کی، جزاسیزلیق مدنیتی چوخ‌دان مؤوجوددور، هوجوملاردا آرتیم پرزیدنت مورسی و باشقا ایسلام‌چی لیدئرلره زوراکیلیقلاری رد ائتمک ایستیقامتین‌ده تضییقلری آرتیریب.

پسیخولوق فرح شاش: «اینسانلار جینسی زوراکیلیقلار دا داخیل ائدیلمکله، عمومیتله زوراکی‌لیقلارلا باغلی قانونلارین پارلامنت‌ده موذاکیره ائدیلمه‌سینی و بوتون بونلارین قارشی‌سینین آلینماسینی طلب ائدیرلر.»

بو آرادا ایسه موجود تحلوک‌لره باخمایاراق مصر قادینی گئری چکیلمیر.

آمریکا سسی

یوروم یازین

Back to Top